Posts Tagged ‘Nasir Kazmi’

Nasir Kazmi ki ghazlon se kuch maqte

Sab se pehle to main aap sab se mazrat chahunga ke itni muddat se bina bataye ghayab raha lekin yeh sab mere bas ke bahar tha…. kisi din aapko pura qisse se vaqif karvaunga.

Berhaal, abhi ke liye ek puraane silsile - kuch mashoor aur mere pasandida sha’iron ke kuch behtareen asha’ar - ke ek taaze kisht ka aaghaz kiya jaaye. Aur ab baari hai Janaab Syed Nasir Raza Kazmi Nasir Kazmi ki….

In se ta’aruf main main pehle karva chuka tha, Gar aap chahe aap yahan par dekh sakte hai: http://vahshatedil.wordpress.com/2009/10/30/imagery-in-two-ghazals-of-nasir-kazmi/

Idhar main itna hi kahunga Nasir Kazmi sahab ka shumar un sab shakhs mein kiya jaa sakta hai, jinka ek kalam itna mashoor ho jaate hai ke log unke baaqi kalam ko nazar-andaaz kar dete hai. Unki ghazal “Dil mein ek lehr si utthi hai…” ko Ghulam Ali ne itni behtareen andaaz mein ada kiya hai ke sab use vaqif ho gaye hai. Lekin Nasir Kazmi ne bahut aur kuch bhi likha that apni zindagi mein, aur ahista ahista main aapke nazar yeh launga…. Abhi ke liye unki ghazlon se kuch maqte – 29 hai. Ho sakte hai in sab mein aapko unka takhallus na mile, kyunki maine unke kulliyat se tartib mein yeh chune hai….

Berhaal, yeh dekhiye ga… shayad aapko pasand aaye. Kuch to maine is liye rakhe hai ke yeh meri fitrat se…. lekin jaane dijiye. Aap yeh dekhen……..

Din bhi udaas aur raat bhi udaas
Aesa to waqt ae gham-e-dauran na tha kabhi

Ae dost ham ne tark-e-mohabbat ke bawajud
Mehsoos ki hai teri zaroorat kabhi kabhi

Dil tere baad so gaya varna
Shor tha is makan mein kya kya kuch

Jinhe ham dekh kar jeete the Nasir
Woh log aankhon se ojhal ho gayi hai

Umeed-e-pursish-e-gham kis se kijiye Nasir
Jo apne dil par guzarti hai koi nahi jaane

Suraj doob chala Nasir
Aur abhi manzil hai door

Waqt ka saath ham bhi ae Nasir
Khar-o-khaas ki tarah bahaye gaye

Nasir ashob-e-zamane se ghafil na raho
Kuch hota hai jab khalq-e-Khuda kuch kehti hai

Mujhe yeh darr hai teri arzoo na mit jaaye
Bahut dinon se meri tabiyat udaas nahi

Rudaad-e-safar na cherh Nasir
Phir ashk na tham sakenge mere

Saaye zulf-e-butaan mein Nasir
Ek se ek nayi raat aayi

Raat bhar ham na so sake Nasir
Par woh khamoshi mein kya kuch tha

Vahi jo haasil-e-hasti hai Nasir
Usi ko mehrbaan dekha na jaaye

Mera dil khugar-e-toofan hai varna
Yeh kashti barha saahil se guzri

Nasir ham ko raat mila tanha aur udaas
Vahi purani baatein uski vahi purana rog

Jin ko mitna tha mit chuke Nasir
Unko ruswa kare na ab koi

Vahi udaas roz-o-shab vahi fusun vahi hawa
Tere visaal ka zamana yaad aa ke rah gaya

Nayi duniya ke hangamon mein Nasir
Dab jaati hai awaazein puraani

Aao Nasir koi ghazal chedhen
Ji bahl jayega are kuch to

Phir uski yaad hai dil beqaraar hai Nasir
Bicharh ke jis se huye shahr shahr ruswa

Kahan se laye ab us nigaah ko Nasir
Jo na tamaam umangein dilon mein chorh gayo

Urooj par hai mera dard in dinon Nasir
Meri ghazal mein dhadakti hai waqt ki awaaz

Har qadam rah-e-talb mein Nasir
Jars-e-dil ki sada ghaur se sun

Nasir yeh wafa nahi junoon hai
Apna bhi na khair-khwah rehna

Ji thikane nahi jab se Nasir
Shahr lagta hai bayaban mujhe

Koi sunta nahi yahan Nasir
Baat dil ko rahi zubaan se door

Shaam se soch raha hoon Nasir
Chand kisi shahr mein utra hoga

Gham ne phir dil ko jagaya Nasir
Khana barbaad kahan tha pehle

Aao kuch der ro hi len Nasir
Phir yeh darya uttar na jaaye kahin

 

Imagery in two ghazals of Nasir Kazmi

Syed Nasir Raza Kazmi, or more commonly, Nasir Kazmi can be easily be given a honoured place in the pantheon of the greatest modern-day Urdu poets.

Despite an undercurrent of sorrow present in his poems, due to the trauma he suffered in the troubled, terrible summer of 1947  – which an entire generation of that period cannot easily shrug off - Kazmi cannot be termed a shair of maayusi, in the same way as lets say Fani Badayuni, because there is frequently a note of optimism somewhere in his ghazals, unlike Fani who is consistently pessimistic.

Nasir Kazmi’s poems – characterised by a ‘chota bahr’ (small metre for the uninitiated majority) – employ a wonderfully, vivid imagery and metaphors. See this – his most well-known ghazal made popular due to a soulful rendition by Ghulam Ali. Of course it bears many more shers, since Ghulam Ali only used a few in his recital. 

One metaphor which stands out is “yaad ke benishan jazeeron se” (from the unmapped islands of  memory) .  Another which comes to attention in both the ghazals given here is about walking through the  dark and lonely streets of a sleeping city. This is a vivid and expressive motif, which  I have come across it in various genres. I remember reading an account of a British officer, escaping from a German POW camp during WWII, who writes how he and his fellow officer walked through a sleeping town, late at night, and it reminded him of an illustration from the book “The Tailor of Gloucester” (if I remember correctly). I have myself experienced the thrill of such venture, which evokes the spirit of a film noir, when your footsteps ring out in the pervasive silence ….. but I realise I am going on too much of a digression and will deal with it in a separate post.  Here I will let Nasir Kazmi talk about it himself…..

This ghazal bears this motif at least two times (three if you count the haveli reference).  It also also displays his characteristic  ‘chota bahr’  and a sher or two of deep regret and hopelessness, which is ultimately set off by the maqta, which is on a more positive note . 

Dil mein ik lahr si uthi hai abhi
Koi taaza hawa chali hai abhi

Shor barpa hai khaana-e-dil mein
Koi deewar si giri hai abhi

Kuch to naazuk mizaj hain ham bhi
Aur ye chot bhi nayi hai abhi

Bhari duniya mein ji nahi lagta
Jaane kis cheez ki kami hai abhii

So gaye log us haveli ke
Ek khidki magar khuli hai abhi

Tu shareek-e-sukhan nahi hai to kya
Ham-sukhan teri khaamoshi hai abhi

Yaad ke be-nishaan jazeeron se
Teri aawaaz aa rahi hai abhi

Shahr ke bechiraag galiyon mein
Zindagi tujh ko dhundhti hai abhi

Tum to yaaron abhi se uth baithe
Shahr mein raat jaagti hai abhi

Waqt acchha bhi aayegaa ‘Nasir’
Gam na kar zindagi padii hai abhi

The second ghazal is not as long, but is adequately expressive. The dark, lonely city motif again appears in the maqta.

Kuch yaadgar-e-shahr-e-sitamgar hi le chale
Aaye hain is gali mein to pathar hi le chale

Yun kis tarah katega kadi dhoop ka safar
Sar par khayal-e-yaar ki chaddar hi le chale

Ranj-e-safar ki koi nishani to paas ho
Thodi si khaak-e-kucha-e-dilbar hi le chale

Yeh kah ke chhedti hai hame dil-giraftagi
Ghabra gaye hain aap to bahar hi le chale

Is shahr-e-bechiraag mein jaayegi tuu kahan
Aa ae shab-e-firaaq tujhe ghar hi le chale

Follow

Get every new post delivered to your Inbox.

Join 649 other followers