Kuch asha’ar ek unwan par III

Is silsila ka ek aur post. Aaj ka unwaan hain ‘Nakaami’ aur ‘Namuraadi’, do aise jazbaat jin ke saath mein phir ittefaq kar sakta hoon aur bahut qareebi se jaanta aur pahchanta hoon. Berhaal…

Aghaz ‘naakami’ par kuch mukhtalif asha’ar se…..

Hazrat Hakim Momin Khan Momin se jaanib se

Nakaamion se kaam raha umr bhar hame
Peeri mein yaas hai jo hawas thi shabab mein

Is ke baad Dil Shahjahanpuri. Aise khayalat jo koi Dabistan-e-Lakhnau ya sarzameen-e-Awadh se jiski nisbat ho, hi izhar kar sakta hain. Lekin aap aapne liye dekh len.

Nakaamion ke baad bhi chootha na haath se
Kya jaane kis khayal se damaan-e-arzoo

Is ke baad Dabistan-e-Lakhnau par hi aa jate hain. Suniye Jafar Ali Khan Asr Lakhnavi kya kehte hain. Mujhe yeh to apni zindagi se jurha hua lagta hai…. Khair jaane dijiye

Bayaan main kya karun ab is se aage apni nakaami
Tere yeh tevar aur mujh ko tujhi se kaam rahta hai

Is ke baad aate hai Asi Uldani. Yeh bhi Hasrat Mohani sahab ke raah mein the. Asli naam inka Maulana Abdul Bari Asi tha, lekin tafteesh inki bhi kam nahi thi, jaise is asha’ar se pata chalta hain. Kabhi mujhe lagta hain ke us zamaane ke sab Maulana ek hi tarah ke the – ya to unki jawaani khub rangeen thi ya unka tasavvur aasman ko par karne ki quwwat rakhta tha. Berhaal..

Ham se pehle bhi mohabbat ka yehi anjaam tha
‘Qais’ bhi nashaad tha, ‘Farhad’ bhi nakaam tha

Aur akhir mein Janaab Chiraagh Hasan Hasrat.

Nakaam-e-tamanna dil is soch mein rahta hai
Yun hota to kya hota, yun hota to kya hota

Ab chand asha’ar ‘Namuradi’ par. Aghaaz Dabistan-e-Lakhnau ke ek naami shair se…. Janaab Riaz Khairabadi

Muddat hui rasaayi-e-qismat ko ro chuke
Vo sang-e-dar kahan yeh hamaari jabeen kahan

Asr Sehbai ke lafzon mein:

Ab tamanna to koi dil mein nahi
Magar ek iztiraab baaqi hai

Aur aakhir mein Qamar ul-Jafri sahab. Itna hi kahunga ke isse behtarin bayan koi nahi kar sakta.

Yeh daur-e-namuraadi yun mehsoos hota hai
Main apne qabr par khud parh raha hoon fateha jaise

Tamam shud!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: