Fani ki chaar ghazal ek radif ki

Shaukat Ali Khan Fani Badayuni par main kafi likha chuka hoon guzashta dinon me. Is post mein aap unke fan pe gaur karen, in chaar ghazal ke hawaale se, jinka radif ek hi hain…. Iske bawajud bhi Fani in me kahin bhi apne khayaalon ko dorahte nahi hain, aur apne tasavvur se naaye naaye nazzare aur khayaal pesh karte jaate hain – ek mukammal shabdon ke saahir ki tarah. Yeh maana ke kuch lafzaat unke kalaam mein ziadah paaye jaate hain, lekin isi wajh se to unko “Mayusi ka sha’ir” ke khitaab se nawaaza jaata hai. Khair aap ab in char ghazlon ka lutf uthaye……

Pehli..

Is noore-e-majsam ke afsaane ko kya kahiye
Hai shama bhi parvana parvaane ko kya kahiye

Har dar se tere talab nakaam palat aaye
Kaabe mein hai sannata butkhaane ko kya kahiye

Kuch khel na tha yun bhi parvaane ka jal bujhna
Jal kar na bujhe aise parvaane ko kya kahiye

Aaghaz bhi to jis ka anjaam bhi to jis ka
Us dard-e-mohabbat ke afsaane ko ya kahiye

Abaadi ki abaadi veerane ki veerana
Armaan bhare dil ke kashane ko kya kahiye

Ujri hui aankhon mein raunaq tere dam se thi
Veeran hain har basti veerane ko kya kahiye

Kis ne aise dekha hai ae hasrat-e-nazzarah
‘Fani’ to hain deewana deewane ko kya kahiye

Doosra….

Majboor-e-shikayat hoon taseer ko kya kahiye
Tadbir muqaddar this taqdeer ko kya kahiye

Firdaus badaman hai har naqsh-e-khayal inka
Yeh shaan-e-tassavur hai tasveer ko kya kahiye

Vabasta sad hasrat be-vasat dil hoon
Apne mein hi zindaan hoon zanjeer ko kya kahiye

Woh barq ki yurush hai har shaakh mein larzish hai
Aise mein nasheman ki taameer ko kya kahiye

Sunte hain hijaab unka irfaan-e-tamanna hai
Ab harf-e-tamanna ki taameer ko kya kahiye

Yaraab teri rahmat se maayus nahi ‘Fani’
Lekin teri rahmat ki takhir ko kya kahiye

Teesri….

Ahd-e-jawaani aur phir dil mein unki mohabbat kya kahiye
Deewane ka khwab aur woh bhi khwab-e-qayamat kya kahiye

Harf-e-tamanna be-maani sa naqsh-e-vafa so dhundhla sa
Dil ki haqeeqat kuch bhi nahi hai dil ki haqeeqat kya kahiye

Hashr bhi guzra hashr mein bhi yeh soch kar hamne kuch na kaha
Gham ki hikyat kaun sunega gham ki haqeeqat kya kahiye

Woh na shai maghrur magar kuch himmat-e-arz-e haal to ho
Shukr kiye bhi ban na padhta harf-e-shikayat kya kahiye

Ek ghalat andaaz-e-nazar se dil ki tabaahi sahi na thi
Dard se mil kar tu ne ladha di sabr ki daulat kya kahiye

Marg-e-mohabbat se ‘Fani’ takmeel vafa ham kya karte
Ham ne jeene se hi na paayi ab tak fursat kya kahiye

aur Chauthi…..

Aath pahr ki yeh be-chaini yeh betaabi kya kahiye
Had se guzri dil ki kharaabi dil ki kharaabi kya kahiye

Tum kya jaano kya shai hai toofan-e-sarshak-e-konain ki
Tum ne chalakte hi nahi dekhi dil ki gulaabi kya kahiye

Hai woh pehli nazron mein har mauj ka saahil ban jaana
Behr-e-be payaan-e mohabbat ki payaabi kya kahiye

Agle baras ke phoolon ka kya hashr unhen maalum nahi
Kaliyon ka yeh tarz-e-tabassum yeh shadaabi kya kahiye

Hosh jinhen dil ban kar aayan ki tadap ka kya kehna
Gham ne jinhen bedaar kiya unki be-khwaabi kya kahiye

Kitne fitne jama kiye hai in ki ek jawaani ne
Chaal qayamat kafir nazre aankh sharaabi kya kahiye

Khaak-e-vatan hi raas na aayi ghurbat to phir ghurbat hai
‘Fani’ apni khaana-badoshi khaane kharaabi kya kahiye

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: