Ek naya ijaad: Asar Lakhnavi ke kuch asha’ar

Guzashta din kisi ne mujhe se kaha ki yahan meri post kuch ziadah hi taveel hoti hain aur mujhe unhe kuch aur muktsar rakhna chahiye jis se padhne mein asan ho aur unka ziadah se ziadah asar hoon. Jab ke main aise khayal se khayal se mukammal ittefaq nahi rakhta hoon, ijaad ke taur par aisa kiya ja sakta hain. Doosri baat jo un shaks se mujh se kahi thi ke kabhi kuch main tafseer ke bina kuch pesh karun, aur kabhi baad mein uska pasmanzar bataun. Teh bhi azma ke dekhte hain…..

Dono baaton ke madde-nazar aap par asar rakhne ke liye Jafar Ali Khan Asar Lakhnavi ke kuch mukhtalif asha’ar. Asar sahab ka main ta’aruf kar chuka kisi guzashta roz aur isi liye bina aur kuch kahe huye, unke asha’ar aapke nazar karta hoon. Umeed hain apko pasand aayenge….

Hangama hasti ki bas itni haqeeqat hai
Ek mauj thi jo uth kar phir mil gayi darya mein

Afsana-o-afsanon hai jalwon ki faravani
Woh jab nazar aata hai tanha nazar aata hai

Dil-o-jigar dono mil ke bahm mujhi ko ilzaam de rahe hai
Ke jaise is jafa ke badle ultaya unko meri vafa ne

Mohabbat ke rag rag mein nashtar bhare hai
Zara dil dikhana khabardaar ho kar

Jab aashiyan ki yaad aseeri mein aa gayi
Udhte huye hawa mein sharar dikhte rahe

Jhapki zara jo aankh jawaani guzar gayi
Badli ke chaaonv thi idhar aayi idhar gayi

Yeh ittefaq to dekho bahaar jab aayi
Hamaare josh-e-junoon ka woh zamaana tha

Akhri sher ko dekh kar mere dil mein sawaal aata hain ke yeh kis khush-naseeb ka zikr kar raha hain. Khair jaise ek aur shair ne kaha tha:

“…..Aise barbaad sawaal ne dil torh diya”

Khair jaane dijiye. Abhi ke liye itna hi. Khwaaten-o-hazraat, shab-ba khair. Mahfuz rahen

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: