Aziz Lakhnavi ke kuch asha’ar

Mirza Muhammad Hadi Aziz Lakhnavi se bhi main aap sab se pehchaan pehle kabhi karva chuka hoon. Is saal ke jaate hue unke fan se ek aur taar’uf aapke nazar. Lutf uthayen…. Kuch is din ke liye hi mukammal taur par vajib hain. Aap khud hi dekhen……

Misaal ke taur par….

Dil ne duniya nayi bana dali
Aur hamen aaj tak khabar na huyi
Hijr ki raat kaatne waale
Kya karega agar sahr na huyi

Aur is par khaas tawajju chahuga aapka, baraye-karam

Kab akele is jahan se ham gaye
Le ke apne saath ek aalam gaye

Aur yeh bhi jo is saal ki aakhri raat ke liye hi….

Thi subah aur sitaare kuch jhilmila rahe the
Beemar-e-shaam -e-furqt duniya se ja rahe the

Baqi bhi dekhen…

Shama bujh kar rah gayi parvana jal kar rah gaya
Yaadgar-e-husn-o-ishq ek dil par daagh rah gaya

Aag to dil ki bujh lene do phir kuch puchna
Hosh kisko jo bataye kya raha kya jal gaya

Hai inki bazm mein har shakhs apne aalam mein
Kisi ka raaz kisi para aayan nahi hota

Ta chand zabt-e-aah ke rukna laga hai ji
Ya aaj asmaan nahi ya hamen nahi

Duniya kahan rahegi bata ae nigaah-e-mast
Aese hi chand daur jo saaghir ke ho gaye

Dil tabah-e-kashish tha kashish taba-e-jamaal
Haan haan mohabbat aap se ki aur zaroori ki

Ek taaghir husn ki fitrat mein barpa ho gaya
Jab shikwe mere unhen kuch kuch maza dene lage

Is ke sham-e-gham pe sadqe ho meri subah-e-hayaat
Jiske mataam pe teri zulfen pareshan ho gayi

Dekh kar har dar o deewar ko hairan hona
Vo mera pehli pahal dakhil-e-zindan hona

Voh nigaahen kya khaun kyun kar rag-e-jaan ho gayi
Dil mein nashtar ban ke doobhen aur pinhaan ho gayi

Yeh mashvara bahm uthe hain charah jo karte
Ke ab mareez ko achcha tha Qibla-ruu karte

Aur aakhir mein yeh…..

Bazm-e-mutrab mein kabhi soz na ho saaz na ho
Pardah-e-saaz mein gar aap ki awaaz na ho
Aaj sayyad ne farman-e-rihaai to diya
Magar unko jinhen taaqat-e-parwaaz na ho

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: