Kuch asha’ar ek unwan par IV

Yeh silsila kafi der se mere zehn se utar gaya tha. Guzashta roz kisi yaad dilaya aur maine apni daryaft naye sire se shuru kar di.

Is baar ke liye unwan ‘Justju’ maine chuna hain.  Jo is zabaan se na-vaqif hain, unko main bata doon ke is lafz ka matlab talaash karna hain. Ye voh hi samjhe aur sarahenge jo ise apni zindagi ke maqsadon ke fehrisht mein shaamil karte hain….. jinhe har cheez asaani se mil sakti hai unhe iski ahmiyaat pehchaan ni kuch mushkil padh sakti hai…. Berhaal aap ke nazar is unwaan pe kuch asha’ar.

Aaghaz Meer Taqi Meer se

Ae dhoondhte ‘Meer’ khoye gaye
Koi dekhe is justju ki taraf

Nawab Mirza Khan Dagh Dehlvi farmate hain

Kahan kahan dil-e-mushtaq-e-deed ne na kaha
Voh chamki barq tajalli voh koh-e-Toor aaya

Afsar Meeruti ke lafzon mein

Bhatakti hain nazren meri har taraf
Khuda jaane kis bhes mein tu mile

Aur ek aur mashoor sha’ir Moin Ahsan Jazbi ka kehna hai 

Dil ko hona tha justju mein kharab
Paas this varna manzil-e-maqsud

Shakeel Ahmad Shakeel Badayuni ko to sab jaante hi hain. Unke khayal se

Qasam fareb-e-nigaah o dil ki, hamen to is justju ne maara
Wahin thi dar asal apni manzil qadam uthe the jahan se pahle

Aur jaise hona tha ek Dabistan-e-Laknau ke alambardar par aate hain… Janaab Riaz Khairabadi 

Hamen Khuda ke siva kuch nazar nahi aata
Nikal gaye hain bahut door justju se ham

Aur isi silsile mein Mirza Mohammad Hadi Aziz Lakhnavi… apne mukhtalif Laknavi andaaz mein

Uthaye jaake kahan lutf-e-justju koi
Jagah voh kaunsi hai tu jahan nahi hota

Shaukat Ali Khan Fani Badayuni kehte hai

Shayad palat aata hoon ke manzil ke qareeb
Nazar aata hai mujhe naqsh kaf-e-pa apna

Aur Asghar Hussain Asghar Gondvi is unwan par do behtareen asha’ar pesh karte hain

Pehle hasti ki justju hai zaroor
Phir jo gham ho to justju na karen

Hasrat nakaam meri kaam se ghaafil nahi
Ek tareeq justju yeh dard mahjuri bhi hai

Syed Abul Hasan Natiq Gulaothi ke liye

Shart un ki justju thi na paya nahi sahi
Yeh to nahi hua ke ham armaan na kar sake

Aur Bahauddin Kaleem ki nazron mein

Justju mujh ko layi yeh kis manzil par
Ab yaqeen ki vahi soorat hai guman ho jaise

Aur khatam karte hain Raza Ali Vahshat Kalkatvi ke is umda asha’ar se

Nishan-e-manzil-e-janaan mile mile na mile
Maze ki cheez hai yeh zauq-e-justju mera

 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: