Kuch asha’ar ek unwan par V

Isi muhim ko aage badhaya jaaye…. Is bar ka unwan hain “ahsan” – ek aisa lafz aur khayal jise jitna makhluq ne ghair istemaal kiya hai ke us ka tassavur bhi karna behad mushkil hain. Mera apna tajurba yeh raha hain ke jis ne mujhe yeh lafz kaha hai, unka hargiz yeh iradah na tha aur pehli hi munasib mauqe par un sab ne dagah ki hain. Khair jaane dijiye, yeh to laazim hi hain aur mera maanna hai ke khud ko aise karne se parhez karna chahiye varna khud aur un sab mein mein farq reh jaata hai. Ik yeh bhi pahlu hain sharif logon ka kabhi apna ahsan jaatana nahi chahiye. Agar doosre use pehchane aur shukr-guzar ho voh us par chorh dena chahiye. Berhaal, is daur mein yeh sab ki umeed karna ziadah kifayati nahi hain……. Afsos

Dar asal yeh sab asha’ar dekh kar mujhe lagta hain ke mere apne khayalat ghalat nahi hai…. aap khud hi dekhen. Aghaaz karte hain Nawab Mirza Khan Daagh Dehlvi se,  jo apne makhsoos andaaz mein 

Dil le ke muft kehte hain kuch kaam ka nahi
Ulti shikayaten huyin ahsan to gaya

Dekhiye Dabistan-e-Lakhnau ke alambardar kya kehte hain. Syed Zaman Ali Jalal Lakhnavi  sahab ki nazar mein

Jisne kuch ahsan kiya ek bojh ham par rakh diya
Sar se tinka kya utaara sar pe chappar rakh diya

Aur Nawab Syed Mohammad Khan Rind

Aap agar apna gala kat ke mar jaate ‘Rind’
Sar pe kyon khanjar jallad ka ahsan hota

Aur Syed Anwar Hussain Arzu Lakhnavi kehte hai

Dhoop sah lena hi achcha bar-e-ahsan kaun uthaye
Chhaaon ek girti hui deewar hai mere liye

Shaukat Ali Khan Fani Badayuni farmaate hain

Nigaah-e-qahr khaas ham par hai
Yeh to ahsan hua sitam na hua

Akhtar Muzaffarpuri ke lafzon mein

Ek ahsan rah gaya sar par tumhari tegh ka
Varna jo kuch mushkilen thi aaj asaan ho gayi

Aur Kareem

Main raha ho kar aseer-e-dam-e-ahsan ho gaya
Ho gayi mujh ko qafas chashm karam saiyyad ki

Aur aakhir mein Faiz Ahmad Faiz

Kuch hamen ko nahi ahsan uthaye ka dimaagh
Vo to ab aate hai maail na karam aate hai

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: