Saqib Lakhnavi se phir mulaqat

Mirza Zakir Hussain Qizilbash Saqib Lakhnavi se main aap sab ka ta’aruf karva chuka hoon. Lijiye unke aur kuch asha’ar, qita’at aap sab ke nazar…..

Aghaz is behtareen kalam se….. Doosre sher par tawajju den, baraye-karam

Kaha tak jafa husn-waalon ki sahte
Jawaani jo rehti to phir ham na rahte

Bada shauq se sun raha tha zamana
Ham hi so gaye dastaan kehte kehte

Nasheman na jalta nishaani to rehti
Hamara tha kya theek rahte na rahte

Meri nao is gham ke darya mein ‘Saqib’
Kinaare pe aa hi lagi behte behte

Ek aur

Sivaye rahmat-e-rab kuch nahi hai
Bahut kuch tha magar ab kuch nahi hai

Jab pucha dil se uski rah ka haal
Sivaye ishq mazhab kuch nahi hai

Andhere mein voh suji ya na na suji
Teri shab hai meri shab kuch nahi hai

Ek aur

Nazan na ho ke mehfil-e-hasti mein saz-e-aish
Hota hai bar-e-khaatir kabhi kabhi

Rone ko puchte ho to aankhen hai saamne
Hansne ko ko puchte ho to ji haan kabhi kabhi

Ek maqta dekhen

Ham to dil bechein magar ‘Saqib’ vo dilwaale kahan
Hain bhara bazaar lekin kis se sauda kijiye

Ab kuch mukhtalif asha’ar

Jo sar pe bala aayi vo ghaflat se hi aayi
Be soye hue khwab pareshan nahi dekha

Jo kuch hua aalam mein hota na to kya hota
Behtar tha bigadne ko yeh dil na bana hota

Taseer-e-hijr kaun bataye ke main too main
Hote hi shaam dahr ki soorat badal gaayi

Dard se ek aah bhi karne nahi dete mujhe
Maut hai asan magar marne nahi dete mujhe
 

Advertisements

One response to this post.

  1. Posted by nadeem on September 11, 2010 at 08:27

    i WAS trying to find the whole ghazal of this shaer. Hum hi so gaey…. thanks, I got it on your on your weblog.Bohat Bonat Duaain.Thanks again. nadeem

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: