Siraj ul Hasan Siraj Lakhnavi ki ek muktsar ghazal main guzashta dinon mein pesh kar chuka hoon. Khair meri samajh mein yeh is shair ke saath na-insafi thi . is ke ba-wajud ke Siraj aise waqt mein the jab Dabistan-e-Lakhnau ka daur dab gaya tha halaat se, lekin unhone puri koshish rakhi – us waqt ki gardish aur aane waale waqt ki mushkile had khatam ki thi aur kisi ki quwwat mein nahi tha ke woh muqabla kar sake….. khair yeh alag kahani hain kisi aur jagah. Yahan par aap Siraj ke kuch aur asha’ar par gaur kariye….
Saans lene ki faqat tohmat hi tohmat hai ‘Siraj’
Zindagi ke aaina khaane mein ek tasveer hoon
Chiragh kar diye roshan khulus sajdah ne
Jabeen jhuki thi ke lo uthi aastane mein
‘Siraj’ ab dil kashi kya zindagi mein
Yeh mushkil vaqt kaata ja raha hai
Lahu mein doobhti hai tareekh khalqat insaan
Abhi yeh nasl hai shaista-e-hayaat kahan
Sota raha hothon pe tabassum ka savera
Ro ro ke jagate rahe taqdeer sahr ham
Zahir parast zaalim yeh bhi khabar nahi hai
Kehta hain anuon mein khoon-e-jigar nahi hai
Kidhar jaayen sahr ka aaina dhoondhe nahi milta
‘Siraj’! Andesha baatil ki parchaiyan kahan tak hai
Haan yehi dastoor parvana majazi hai ‘Siraj’
Neend aati hai paron mein aag lag jaane ke baad
Yeh husn hasrat-e-tameer ko naseeb kahan
Jawaan ban mere aalam tabah mein hai
Tabahion ne meri khud inhe sanvar diya
Voh mere baad kisi ko tabah kar na sake
Karun kya ‘Siraj’ tum se to guzar rahi hai dil mein
Yeh qafas ki zindagi aur yeh bahar ka zamana
Aur aakhir mein yeh do behtareen asha’ar….. khaas tawajju ki umeed karta hoon aap se
Han tum ko bhool jaane ki koshish karenge ham
Tum se bhi ho sake to na aana khayal mein
Thukraon kyon zamaane se kya faidah ‘Siraj’
Khud apne raaste se hata ja raha hoon main
