Dabistan-e-Lakhnau ke kuch namoone #17: Safi Lakhnavi

Syed Ali Naqi Safi Lakhnavi bhi Dabistan-e-Lakhnau ke sab se mashoor alambaradaaron mein the….. Kafi kam umr mein unhone shayri karna shuru kar diya tha aur khaas baat thi ke unka koi ustaad nahi tha. Khair inke baare mein aur phir kabhi, abhi ke liye aap sirf unki kuch ghazlon ka lutf len…..

Dard-e-aaghaz-e-mohabbat ka ab anjaam nahi
Zindagi kya hai agar maut ka paigham nahi

Kijiye ghaur to har lazzat-e-duniya hai qareeb
Kaun dana hai yahan par jo tayy-e-daam nahi

Har tanazaal ke zamaane ne taraqqi hai
Kufr voh kufr nahi ab islam voh islam nahi

Kaun azaad nahi halqe bagoshon mein tere
Naqsh kis dile ke nageene par tera naam nahi

Nar sheedah hai tera mivah e jannat zahid
Pukhta munazon ko talaash-e-samrkhaam nahi

Yehi jannat hai jo haasil ho sukoon-e-nazar
Aur dozakh yehi duniya agar aaraam nahi

Shergoi ke liye bas vahi mauzun hai ‘Safi’
Jis ko juz fikr-e-sukhan aur koi kaam nahi

Ek aur dekhen…..

Husn ruva ho dil us baat pe razi na hua
Ek nazar dekh liya usko joi koi na hua

Naqshband-e-dil-khoon gashta hai har qatrah ashk
Lafz hi kya jo soorat gar-e-maani na hua

Mar gaya in ko pasheman-e-taghaful sun kar
Shukr sharmindah-e-ahsan talaafi na hua

Ham to baithe the kisi teer-e-nazar ki zad par
Yeh qasur-e-nazar andazah jo kafi na hua

Sakht jaani! Mujhe phir tujh se shikayat hogi
Na huye joon sab armaan to kuch bhi na hua

Charkh zan hai mere har reshe-o-har rag mein ‘Safi’
Vahi shola ke sar-e-e-Toor jo bijli na hua

Aur jaate huye yeh bhi aapke nazar….  yeh bilkul Lakhnavi andaaz mein

Ham apna haal kuch is tarah maayusana kehte hai
Ke voh tak sun ke rote hai jinhen begaana kehte hai

Urooj-e-hurmat-e-mae ab koi dekhe ke vaiz tak
Sar-e-mimbar haadis-e-sheesha-o-paimana kehte hai

Naqsh-e-kufr-o-imaan safeh-ehasti ko yeksa hai
Yehi masjib kabhi thi ab jise butkhaana kehte hai

Hamari bhi jawaani thi kabhi ham bhi the rindon mein
Budhape mein dil-e-murdah ka ab afasana kehte hai

‘Safi’ rindon ko is ka band ho jana qayamat hai
Dar-e-tauba hai voh jisko dar-e-maikhana kehte hai

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: