Wasim Barelvi ki ek ghazal aur kuch asha’ar

Prof Zahid Hussein Wasim Barelvi is daur ke sab se mashoor shairon ke fehrisht mein apni jagah banaye hain. Inki shairi ka makhsus andaz hain ke asan lafzon ka istemal karte hain lekin un se buland khayalat izhar karte hain. Misaal ke taur pe yeh ghazal aur kuch asha’ar dekhen….. 

Kitna dushvar tha duniya yeh hunar aana bhi
Tujh se hi fasla rakhna tujhe apnana bhi

Kaisi adab numaish ne lagayi sharten
Phool hona hi nahi phool nazar aana bhi

Dil ki bigdi huyi aadat se ye umeed na thi
Bhool jayega yeh ek din tera yaad aana bhi

Jane kab shahr ke rishton ka badal jaaye mizaj
Itna asaan to nahi laut ke ghar aana bhi

Aese rishton ka baharm rakhna koi khel nahi
Tera hona bhi nahi aur tera kahlana bhi

Khud ko pehchaan ke dekhe to zara yeh darya
Bhool jayega samandar ki taraf jaana bhi

Jaane waalon ki is bheed se kya hoga ‘Waseem’
Is mein yeh dekhiye koi mujhe pehchana bhi

Yeh kuch asha’ar par nazar den…..

Pehle mein Waseem sahab ne apne tassavur ka behtareen istemal kiya hai…

Sunayi de teri qadmon ki aahat
Yeh raasta muskurana chahta hai

Aur is mein bhi asan lafzon mein ek gehre kahayal ka bayan kiya hai…

Woh mere pyar ki gehraion ko kya samjhe
Jab is ke bas mein nahi aitbaar karna bhi

Yeh bhi dekhen….

Chiragh-e-raah ki qismat pe rahm aata hai
Hawa ke zor se ladna bhi aur jalna bhi

Aur is mein bhi….

Voh saamne aa jaye to rukne lage saansen
Main phir bhi ise dushman-e-jaani nahi kehta

Hansi jab aaye kisi baat par aati hai
Udaas hone ka aksar sabaab nahi hota

Jo sirf mere liye sirf mere liye tha
Isi se bichadne ka dar jaane kyon tha

Yeh bhi bahut umda hai…..

Main sab ke liye apni kahani nahi kehta
Kyon behta hai darya kabhi pani nahi kahta

Aur isse main ittefaq rakhta hoon….

Aise hi logon ke sahare umr guzarti hai
Begaane se ho kar bhi jo apne rahte hai

Tumhare baare mein kitna hi jaan lun lekin
Kuch aur jaanta yeh arzu nahi jaati

Bas bheerh mein chalne ka hunar seekh raha hoon
Yeh main bhi smajhta hoon ke raasta nahi milega

Aur isse bhi mujhe sahmati hai…..

Tujhe samajhne ka mauqa yehi to deta hai
Hamare pas yeh lamhe jo intezaar ke hai

Main apne paaon mein zanjeer dal kar khud hi
Yeh sochta hoon ke aakhir meri khata kya hai

Aur aakhir mein yeh…..

Saari duniya ko mukhhalif kar diya
Mein bhi teri hi tarf ko jaaon kya

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: