An aspiring politician….. a view by Popular Meeruti

 Maine Ejaz ‘Popular Meeruti’ ko pehli baar ‘Mushaira Jashn-o-Jamhuriyat’ so haar saal mulk ke ‘Yaum-e-Jumhuriyat’ ke mauqe par hota tha. Yeh un dinon ke baat hai jab main Jamia Jawaharlal mein taleem-yafta tha…. khair ek do baari ke baad aaj tak phir jaane ka mauqa na mila. Inhi mein ‘Popular’ ko yeh pesh karte suna tha…. afsos ham log itna hans rahe the ke koi likh bhi nahi saka. Kafi saal tak main dhoondta raha… teen mazahiya shayri ke kitaabein haasil ki lekin nahi mila. Ek din ek aur jama lene ki deri thi ke us mein jaa mila aur aap ke ab nazar hain…..

Iska unwan hain ‘Umeedvar main bhi hoon’ aur jo bhi siyasat se waaqif hain khub samjhe aur sarahega ise. Main iske baare mein aur kuch nahi kahunga… aap khud hi dekhen, baraye-karam.

Main beqaraar hoon muddat se memberi ke liye
Ticket mujhe bhi dila do assembly ke liye

Main ek umr se hoon muflisi ki chadar mein
Nahi hai rukhi bhi roti mere muqaddar mein
Mera safina hai aalam ke samandar mein
Main ek bojh hoon khud apni family ke liye
Ticket mujhe bhi dila do assembly ke liye

Ticket ke vaaste ghairat bhi bech sakta hoon
Main khandaan ki izzat bhi bech sakta hoon
Bhikhe to apni sharafat bhi bech sakta hoon
Mujhe sukoon hain darkar zindagi ke liye
Ticket mujhe bhi dila do assembly ke liye

Nawaazo sirf mujhe ek mehrbani farma kar
Main vaada karta hoon yeh dil se qasam kha kar
Ke paanch saal se pehle yahan kabhi aa kar
Banounga baas zehmat na main kisi ke liye
Ticket mujhe bhi dila do assembly ke liye

Main sangreze se jauhar bana diya jaaon
Ek ek qatre se samandar bana diya jaaon
Ajab nahi ke ‘minister bana diya jaaon
Main har tarah hoon munasib ‘ministry’ ke liye
Ticket mujhe bhi dila do assembly ke liye

Har ek tarah ka taghra mizaaj hoon main
Jo rahzanon se nahi kam voh rahnuma hoon main
Mili jo kursi to phir dekhna ke kya hoon main
Hazaaron raahen meilengi Shakmpure ke liye
Ticket mujhe bhi dila do assembly ke liye

Karunga qabza main khaali badi zameenon par
Na aaye taake shikan aap ki jabeenon par
Rahengi khaas nawazish meri haseenon par
Awaami kaam karunga awaam ke liye
Ticket mujhe bhi dila do assembly ke liye

Hanso na is se ke umeedvar ganja hai
Ke sakht mere khayalaat ka shikanja hai
Jo chalne de na kisi ki voh mera panja hai
Main acha shakhs hoon har achche aadmi ke liya
Ticket mujhe bhi dila do assembly ke liye

Hunar parast hoon aur sahab-e-hunar ki qasam
‘Firaaq’-o-‘Josh’ ki ‘Asghar’ ki aur ‘Jigar’ ki qasam
‘Hilal’-o-‘Nazim’-o-‘Shahbaaz’-o-‘Popular’ ki qasam
Main kaam aaunga shaid biraadari ke liye
Ticket mujhe bhi dila do assembly ke liye

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: