Dabistan-e-Lakhnau ke kuch namoone #18: Mulla Lakhnavi

Kashmiri Panditon ka Dabistan-e-Lakhnau mein kafi shirkat rahi hain aur isi qaum ne kuch bade mashoor kirdar diye hai – misaal ke taur par Pandit Braj Narain Chakbast aur Pandir Ratan Nath Dhar Sarshar Lakhnavi ke naam imein sab pehle zahn mein aate hain. Yeh qaum Mughal sultanat ke aakir waqt se Dehli aur baqi riyasaton mein aane lage the aur Avadh mein Lakhnau aur Allahabad jaise shehron mein jaa base the…. Allahabad mein iske kuch log shaksiyat qanoon aur siyasat mein kamyaab rahe…. naam to aap sab jaante hai. Nehru khandan se to sab vaqif hi hai aur qanun mein itne hi mashoor Sir Tej Bahadur Sapru bhi rahe the.

Sapru sahab ke baare mein latifa hain ke ek muqaddama mein Mohammad Ali Jinnah ke khilaf the. Sabut ke taur par pe ik dastvez Urdu mein janaab judge ko pesh hua. Woh angrez tha, usne sarsari nazar de kar ise Jinaah ke taraf kiya. Unhone aur bhi sarsari nazar dekar Sapru ko pakda diya, jinhone parh kar judge sahab ko samjha diya. Agle din ek rozname ke iska bayan tha aur unwaan tha: ‘Maulana’ Sapru translates for ‘Pandit’ Jinnah. 

Khair, wapas mudde pe aate hai. Isi quam se the Anand Narain Mulla. Unke kuch qita’at aur asha’ar dekhen….

Tadap sheeshe ke tukde bhi uda lete hai maheere ki
Mohabbat ki nazar jaldi se pehchaani nahi jaati

Kisi ke lutf-e-bepaiyan ne kuch yun sue-dil dekha
Ke ab nakarda jurmon ki pashemaani nahi jaati

Yeh bazm-e-dair-o-Kaaba hai nahin kuch sahn-e-maikhana
Zara aavaz gunji aur pehchaani nahi jaati

Nazar jhoothi shabaab andha voh husn ekk naqsh-e-fani hai
Haqeeqat hai to ho lekin abhi maani nahi jaati

Nazar jis ki taraf kar ke nigaahen pher lete ho
Qayamat tak phir us dil ki pareshaani nahi jaati

Ek aur qita’at dekhen…..

Mujhe dhoka na deti ho kahin tarsi hui nazren
Tumhi ho samne ya phir wahi tasveer khvab aayi?

Jise main chahta hoon voh agar qismat se bala hai
Mere hisse mein kyon meri nigaah-e-intekhab aayi

Kiran mehtab ki phoolon mein jan thi jaan taskeen thi
Yehi zarron mein kya aayi ke mauj-e-iztirab aayi

Aur chand asha’ar

Teri mehfil mein hoon main bhi magar begaana-e-mehfil
Kisi zanjeer mein hurhti nahi shayd kadhi apni

Jis ke khayal mein hoon gum us ko bhi kuch khayal hai
Mere liye yehi saawal sab se bada sawaal hai

Abhi shaba hai kar lo khatahen ji bhar ke
Phir is maqaam pe umr-e-ravaan mile na mile

Maikashon ne pi ke torhe jaam-e-mai
Hai voh saaghir jo rakhe rah gaye

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: