Allama Iqbal ki do ghazlen

Bahut dinon se mujhe ehsas tha ke maine Urdu adab aur shayri par bahut arse se kuch nahi likha… Lihaza is kami ko pura karne ke liye, aaj mein Sir Mohd ‘Allama’ Iqbal se aapka taaruf karvata hoon… Iqbal sirf Udu shayri mein hi nahi lekin falsafa mein bhi kafi wazan rakhte hain. Lekin, main apne aap ko itna qaabil nahi samajhta ke main unke adbi karnaamon par tafsira kar sakun. Is liye main Allama ke kuch kalaamon ko aap ke saamne rakhunga jis mein woh bhi shaamil hain jin ke hawaale se mera unki shaksiat se taa’ruf hua tha…. aaj se kuch das-pandrah saal pehle.

Iqbal ka sab se mashoor kalam unka “Taraana-e-Hind…Saare jahan se achcha….” hain aur mujhe puri umeed hai ke aap sab khwatin-o-hazraat – jo mere mulki hain – is se khoob vaqif honge. Is ke baad unka woh sher jo unki ek maqbool ghazal ka maqta hain. Aap dekhen…. 

Sitaron se aage jahan aur bhi hai
Abhi ishq mein imtihaan aur bhi hai

Taahi zindagi ki nahi ye fazaaen
Yahan saikdon kaarvaan aur bhi hai

Kanaa’at na kar aalam-e-rang-o-bu par
Chaman aur bhi, aashiyan aur bhi hai

Agar kho gaya ek nasheman to kya gham
Maqaamaat-e-aah-o-fugaan aur bhi hain

Tu shaheen hai parwaaz hai kaam tera
Tere saamne aasmaan aur bhi hai

Isi roz-o-shab mein ulajh kar na rah ja
Ke tere zameen-o-makaan aur bhi hai

Iqbal, gaye din ke tanha tha main anjuman mein
Yahaan ab mere raazdaan aur bhi hain

Is ghazal ke ek sher ke baare mein main aur bhi kuch kehna chahta tha lekin upar nahi kaha kyunkar ghazal ke beech mein bolna sahi na hota… Jo sher hai

Tu shaheen hai parwaaz hai kaam tera
Tere saamne aasmaan aur bhi hai

isi ke tarz par Iqbal ne ek aur sher likha tha….

Tera maskan nahi katre sultani ke gumbad par
To shaheen hai basera kar pahadon ki chattanon par

Iqbal ke ek aur mashoor aur maqbool kaam hai “Shikwa-Jawab-o-Shikwa”. Lekin main iske baare mein ayahn nahi baat karunga kyun ke maine is “post” ke unwaan mein saaf kiya hai ke Allama ki ghazalon ke baare mein hai…. Thoda intezar kariye aur phir is par bhi main lataunga. Aap yeh bhi puch sakte hai ke maine do ghazalon ka zikr kiya hai lekin hai yahan sirf ek… Ghabrayen mat…main apni baat par qaim rahunga aur apko dhokha nahi doonga.

Doosri ghazal aapka intezar kar rahi hai… Lekin iske pehle ek muktsar baat. Ghaur kijiye ke yeh ghazal ka behr kitna maqul ko ise tarannum mein gaane ke liye aur isse badhkar Iqbal ki lafzi karigari ka koi saboot nahi hai. Kuch mausiqikar zaroor hai jo apne meethe andaaz mein kisi bhi kalam to tarannum ki raah mein le aate hai… lekin jab shair hi unka kaam asaan kar de to kya kehne…. Khair, aap khud dekhiye…

Kabhi ai haqeeqat-e-muntazir nazar aaye libaas-e-majaaz mein
Ke hazaaron sajde tadap rahe hain teri jabeen-e-niyaaz mein

Tarab ashanaa-e-kharosh ho tu navaa hai maharam-e-gosh ho
Woh suroor kya ke chhaayaa hua ho sukuut-e-pardaa-o-saaz mein

Tu bacha bacha ke na rakh ise teraa aainaa hai vo aaina
Ke shikasta ho to azeez tar hai nigaah-e-aaina-saaz mein

Dam-e-tauf kar mak-e-shamma na ye kaha ke vo asr-e-kohan
Na teri hikayat-e-soz mein na meri haadiis-e-gudaaz mein

Na kahi jahan mein aman mili jo aman mili to kahaan mili
Mere jurm-e-khaanaakharaab ko tere azo-e-banda-navaaz mein

Na woh ishq mein rahi garmiyaan na vo husn mein rahi shoKhiyaan
Na woh Ghaznavi mein tadap rahi na vo kham hai zulf-e-ayaaz mein

Jo main sar-ba-sajdaa kabhi huaa to zameen se aane lagi sadaa
Tera dil to hai sanam-aashnaa tujhe kya milegaa namaaz mein

Advertisements

One response to this post.

  1. […] Allama Iqbal ki do ghazlen May 2010 4 […]

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: