Do ghazlen ek ijad ke taur par

Aisa aksar hota hai ke main yahan bahut dinon tak main kuch Urdu shayri par nahi aapke saamne pesh kar saka. Mere dimagh mein ek behtareen aur badha mansooba zaroor hai lekin afsos mujhe ise amal me laane aur mukammal anjaam dene ka mauqa nahi mil raha….. Guzashta teen roz to main computer se hi mehroom raha. Kuch mauqa guzri shaam ko mila lekin aisi hi zaaya hoga… Behrhaal, kya kijiye.

Filhaal, aapke nazar main do ghazlen pesh kar na chahta hoon, lekin mera iraada yeh sirf nahi hain ke aap yeh bas padh kar chorh de… main yeh iltija karunga ke aap inhe tarannum mein sune aur iske liye Akhtari Bai Faizabadi/Begum Akhtar se behtar koi nahi. Maine bhi yeh unke zabaani hi suni thi aur iska bahut gehra asar padha tha mujh par……

Ghazal, ya koi bhi aur sinf ho adab ka, uske lafzi maane jo padh kar aap samajh sakte hain aur use tarannum mein ya tarah mein sunne mein bahut farak hai – kis lafz par zor dena hai, kise kheechna hai, vaghairah. Agar aap meri baat maane, aur yeh ghazlen pehle padhe phir sunhe aap khud samjhenge. 

Khair, yeh to baad ki baat hai – abhi ke liye main aapko yeh ghazal padhne ke liye deta hoon… Pehli Taskeen Qureshi ki hai aur doosri Sudarsham Faakir ki… aapka pura tawajju chahunga.

Kis se poochen ham ne kahan wo chehra-e-roshan dekha hai
Mehfil mehfil dhuundh chuke hain gulshan gulshan dekha hai

Kis ko dekhen kis ko na dekhen, phool bhi hain kaliyan bhi magar
Jis se lagayi aankh usii ko dil kaa dushman dekhaa hai

Rang-e-bahar-e-subah-e-gulistaan kya dekhe woh diwaana
Jis ki nazar ne ek hi gul mein saara gulshan dekha hai

Ahl-e-wafa ki khoon ki chheente door tak udkar jaati hai
Mera tadapna dekhne waale apna bhi daaman dekha hai?

Aaj unhe jo chaahe samajh lo warna yahi ‘Taskeen’ hai jinhe
Kal tak ham ne kuu-e-butaan mein khaak-ba-daaman dekha hai

aur yeh doosri…. bahut umda ghazal hai

Kuch to duniya ki inayaat ne dil tod diya
Aur kuch talkhii-e-haalaat ne dil tod diya

Ham to samjhe the ke barsaat mein barsegi sharaab
Aayi barsaat to barsaat ne dil tod diya

Dil to rota rahe aur aankh se aansu na bahe
Ishq ki aisi ravaayaat ne dil tod diya

Woh mere hain mujhe mil jayenge aa jaayenge
Aise bekaar khayaalaat ne dil tod diya

Aap ko pyaar hai mujh se ke nahi hai mujh se
Jaane kyon aise savaalaat ne dil tod diya

Advertisements

One response to this post.

  1. Posted by ghazal fan from agra on October 16, 2010 at 08:43

    thanks ……..

    mujhe , “yeh husn o ishq ke pehloo ” bhi bahut achi lagti hai………

    khair….. apki yh gazal , “gulshan gulshan dekha hai” main begum akhtar par ek documentary me suni thi……. tab isko search kiya aur aapka link mil gya ………….

    thanks again……

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: