Ek Urdu Shayar Cricket par

Rashid-ul-Hasan Saghar Khayyami tanz-o-mazahiya ke ek behtareen shayar the…. Main guzashta kayi din se – bhale CDs ke hawaale se – unhe mukhtalif mushairah mein apne andaaz se apne kalaamon ko padhte huye sun raha tha. Unhe kafi mushairah – mein jahan mein khud maujud tha – bhi suna hai…. magar afsos, ab nahi. Mujhe kuch waqt pehle hi pata chala ke woh is jahaan mein nahi rahe. Khuda unhe jannat bakshe….

Berhaal, Saghar sahab ki ek khub mashoor nazm hai jis mein woh apni tasavvur se Urdu shair aur shaira ke beech ek match ka bayan dete hai.. Khair main itna hi kahunga aur baqi jaane ke liye ise aap khud hi padhe.

Lekin thode sabr ki umeed karta hoon. “Cricket” pesh karne se pehle main Saghar ki do chote chote kalaam  chaliye, ek hi apke samne rakhna chahta hoon. Mazrat chahunga ke ek behtareen misaal abhi dastyab nahi hai  magar befikr rahe woh bhi jaldi aapke saamne aayegi jald.

Chaliye jo doosro kalaam unka main pesh karne ja raha tha woh bhi agle baar ke liye rakh deta hoon aur seedhe “Cricket’ pe jaate hain. Lijiye, izzat-maab khwatin-o-hazraat. Umeed hai ke aapko pasand aayegi…..

Bezaar ho gaye the jo shair hayat se
Cricket ka match khel liye shairat se
Vaqif jo na the dosto aurat ki zaat se
Chauke laga rahe the khayalon mein raat se

Aai jo subeh o shaam ke nakshe bigadh gaye
Surron se ham gareebon ke stump ukhad gaye

Naz o ada o husn ne jadoo jaga diye
Pehle to opener ke hi chakke churha diye
One down par jo aaye to istaump udha diye
Rah-e-faraar ke bhi to raste bhula diye

Go catch very low tha magar bedhadak liya
Ek mohtaram ko ek ne gully mein lapak liya

Kya kya bayan kijiye ek ek ka bankpan
Jalwah fughan zameen pe thi taaron ka anjuman
Husn o shabaab o ishq se bharpur har badan
Shair pavillion mein the pehne huye kafan

Jitni thi ‘beautiful’ voh slip par gully pe thi
Jitni thi overage voh sab boundary par thi

Voh lal gend phool ho jaise gulab ka
Jis tarah dast-e-naaz mein saghir sharab ka
Saya hava mein nachta tha aftaab ka
Bumper mein sara zor husn o shabaab ka

Aese bhi apne ishq ka maidan banate the
Umpire har appeal par ungli uthate the

Parion ke jis tarah se pare koh-e-Qaf par
Ek long-on par thi to ek long-off par
Ek thi cover mein ek haseena mid-off par
Jo short pitch thi woh aati thi naaf par

Ustaad keh rahe the ke phatkaar match par
Do do jhapat rahi hai shareefon ke catch par

Jab baal phainkti thi voh gesu sanvar ke
Nazdeek aur hote the halat har ke
Kehte the match dekhne waale pukaar ke
Ustaad ja rahe hai shab-e-gham guzaar ke

Thehre wo na crease pe jo the badhe badhe
Mujh jaise teem tam to wicketon pe phat padhe

Saghar sahab ke aur kalaam aapke saamne jald honge…

Advertisements

3 responses to this post.

  1. yakeenan tanz aur mazahiya shayri me Sagar Sb. ka jawab nhi…

    Reply

    • Posted by Hasan Riyal Naqvi (Riyal Khayyami) on June 25, 2012 at 14:18

      Parion ke jis tarah se pare koh-e-Qaf par
      Ek long-on par thi to ek long-off par
      Ek thi cover mein ek haseena mid-off par
      Jo short pitch thi woh aati thi naaf par

      Thehre wo na crease pe jo the badhe badhe
      Mujh jaise teem tam to wicketon pe phat padhe

      Jab baal phainkti thi voh gesu sanvar ke
      Nazdeek aur hote the halat har ke
      Kehte the match dekhne waale pukaar ke
      Ustaad ja rahe hai shab-e-gham guzaar ke

      Ustaad keh rahe the ke phatkaar match par
      Do do jhapat rahi hain shareefon ke catch par

      Reply

  2. Posted by Nazish Bilgrami on March 11, 2013 at 03:51

    Lazawal shair ki lajawab nazm ..

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: