Dabistan-e-Lakhnau ke kuch namoone #14: Jalal Lakhnavi

Yeh ek aur silsila hai jise mein bahut der se main koi tawajju nahi de paya hoon. Mazraat chahunga, aap sab izzat-mab khwation-o-hazraat se aur iltija karunga khuda se ke aane waale dinon mein aur waqt iske nazar kar sakun…. Berhaal, abhi ke liye is shandaar dabistan ka ek alambardar, Janaab Syed Zaman Ali Jalal Lakhnavi aur unki ek bahut behtareen ghazal.

Is mein unke lafzat ka istemaal dekhe, tasavvur ki bulandi aur… khair aap khud ghazal padhe… yeh sab cheezein khud ba khud aap ke saamne aa jaayengi….pura yaqeen hai mujhko.

Mulaiza farmaaye..

Woh dil naseeb hua jis ko daag bhi na mila
Mila to gham-kada jis mein chirag bhi na mila

Gayi thi keh ke main laati hoon zulf-e-yaar ki bu
Phiri to baad-e-saba ka dimagh bhi na mila

Aseer karke hamen kyun riha kiya saiyaad
Woh ham-safir bhi choothe woh baagh bhi na mila

Bhar aaye mehfil-e-saaqi mein kyun na aankh apni
Woh be-naseeb hai khaali ayaag bhi na mila

Chirag leke iraada tha bakht dhoondhte
Shab-e-firaaq thi koi chiraag bhi na mila

Khabar ko yaar ki bheja tha gum hua aisa
Havas-e-rafta ka ab tak suragh bhi na mila

‘Jalal’ baagh-e-jahaan mein woh andaleeb hai ham
Chaman ko phooul mile ham ko daagh bhi na mila

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: