Nawaz Deobandi ke ek ghazal.. mushaira ke andaaz mein

Dr Nawaz Deobandi ko pehli baar hi sunkar main unke fan aur andaaz ko pasand karne laga – unki awaaz ki bulandi unke tasavvur se kuch kam na thi. Isi mein ek sher mein suna tha unka jiska kafi asar hus tha mere upar, lekin uske kuch lafz hi yaad the – aur yaqeen na tha ke yeh ghalat hai ya sahi – aur baaqi asha’ar ka jahan tak sawaal hai, use to jaane hi dijiye.

Maine kafi jadd-o-jahd ke lekin mujhe yeh na mile. Ik baar Nawaz sahab ka ek shairi majmua bhi haath laga, lekin us mein bhi meri talaash kamyab na huyi. Do shairi ke majmua bhi milen lekin is mein bhi kuch na mila. Ek ajeeb ittefaq tha ke jab maine ek mushaira ki CD khareedi jis mein Nawaz sahab bhi shaamil the aur us mein unhe woh sher padhte suna. Ek dam mujhe yeh ehsaas hua ke mujhe ek qeemti cheez mil gayi hai. Aur uska main aapke saath bhi baantna chahta hoon.

Jaise maine kai martaba kaha, aur Nawaz sahab ke liye khaas kahunga, unko sunna hi apne mein ek tajurba hai – kaise woh koi misra ke kuch lafz par zor dete hai aur kuch ko khaas asar ke liye dohrate hai. Yeh aap kisi shaaya dastavez mein hargiz nahi mil sakta, lekin maine yahaan koshish ki hai…. jis lafzon par woh zor dete hai, unko maine khaas nishaan diya hai. Umeed aap ko yeh pasand aayega…. ek baat aur. Jis sher ka main zikr kar raha tha woh tartib mein doosra hain.

Nawaz sahab: Jo hai is chiragh ki zindagi woh zindagi ke khilaaf hai

                      : Jo hai is chiragh ki zindagi woh zindagi ke khilaaf hai
                       Yeh chiragh kaisa chiragh hai jo roshni ke khilaaf hai

Anwar Jalalpuri sahab (nizam-e-mushaira) :  Bahut ache wah, wah!

Nawaz sahab: Ya jaala diya woh bujha diya yeh to kaam hai kisi aur ka

Anwar sahab: Wah wah

Nawaz sahab:   Yeh jaala diya woh bujha diya yeh to kaam hai kisi aur ka
                                  Na hawa ke koi khilaaf hai na hawa kisi ke khilaaf hai

                               : Aur baghair tameer ke ek sher padhta hoon

                              :  Woh hai bewafa to wafa karo, to wafa karo, 
                                  Jo asar na ho to dua karo

                            : Woh hai bewafa to wafa karo, jo asar na ho to dua karo
                              Jise chaho use bura kaho, yeh to dosti ke khilaaf hai

 Anwar sahab:  Arre wah wah wah, kya kehne Nawaz sahab

Nawaz sahab:  Agar mein rooh ka karb aur do ishaare do alamatein aap to pahunchi to yeh meri khushqismati hogi. Arz karta hoon

                 : Woh jo dhoop thi, Woh jo dhoop thi woh simat gayi woh jo chandni thi bhikhar gayi

              : Woh jo dhoop thi woh simat gayi woh jo chandni thi bhikhar gayi
                 Magar ek jugnu, haqeel sa, abhi teergi ke khilaaf hai

Anwar sahab: Bahut ache bhaye wah wah wah !

Nawaz sahab: Raj Bhavan ke mushaira mein urdu dais se panktian, do misre bataur tohfa aapki khidmat mein

Anwar sahab : Inayat

Nawaz sahab: Hota yeh hai ke ham khushi…gham mein hote hai, peedha mein hote hai, to in kaandhon par sar rakh ke rone waale bahut mil jaate hai. Lekin jab scene badal jaata hai to dekhiye kya hota hai.

                        :  Jo hai is chiragh ki zindagi woh zindagi ke khilaaf hai
                           Yeh chiragh kaisa chiragh hai jo roshni ke khilaaf hai

                        :  Ek ek lafz mein aapki shirkat chahta hoon

                       :  Yeh chiragh kaisa chiragh hai jo roshni ke khilaaf hai

            : Woh jo mere gham mein shareek tha, jise mera gham bhi aziz tha
              Main jo khush hua to pata chala woh meri khushi ke khilaaf hai
             

Anwar sahab: Wah wah! Bahut khoob! Wah wah wah wah!

Aur aapke liye mukammal ghazal ek jagah….

Jo hai is chiragh ki zindagi woh zindagi ke khilaaf hai
Yeh chiragh kaisa chiragh hai jo roshni ke khilaaf hai

Yeh jaala diya woh bujha diya yeh to kaam hai kisi aur ka
Na hawa ke koi khilaaf hai na hawa kisi ke khilaaf hai

Woh hai bewafa to wafa karo, jo asar na ho to dua karo
Jise chaho use bura kaho, yeh to dosti ke khilaaf hai

Woh jo dhoop thi woh simat gayi woh jo chandni thi bhikhar gayi
Magar ek jugnu, haqeel sa, abhi teergi ke khilaaf hai

Woh jo mere gham mein shareek tha, jise mera gham bhi aziz tha
Main jo khush hua to pata chala woh meri khushi ke khilaaf hai

Advertisements

3 responses to this post.

  1. Posted by Aalok Mishra on June 5, 2011 at 18:45

    sabse pahle to sahab shukriya kahna chahuga ki aapne Nawaz Deobandi sahab se mulaqaat karwayi. Khud bhi mai chota sa jawan nasal ka shayar hu. Umar ghazal ke muqaable bahut kam 26 saal ki hai par acchi shayari aur uski adaakari ka hunar seekhne ka bahut mautmaein hu.
    Mushairo me kabhi shirkat ki nahi aur sahi kahu to kabhi khabar hi nahi hui ki aisa kuch chal raha hai mere jamaat me. Aaj ke rangeen music wale logo ki bheed me khoya hua hu…
    guzarish karna chahuga ki is video ko youtube pe post kare taki mujh jaise internet dependent ghazal premiyo ko kuch sunne ka mauka mil sake…aur aapki baaki collections ko bhi upload karne ki guzarish hai…

    Reply

  2. Posted by ajay on June 29, 2013 at 18:49

    very nice.jise hum chahate hai aksar wahi ruthate hai,jinhe hum jodna chahate hai aksar wahi tutate hai.

    Reply

  3. Posted by kashif on July 2, 2013 at 06:02

    very nice

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: