Behzad Lakhnavi ki do aur ghazlen

Sardar Ahmad Khan Behzad Lakhnavi in shayaron mein se hain jiske haar kalam mein Lakhnavi tehzeeb, nazakat aur nafasat bharpur hai jabke woh bhi apni zindagi ka kuch arsa Lakhnau ke bahar rahe… jis se meri daleel sabit hoti ke Lakhnavi tehzeeb ka alambardar hona ek fitrat ka maamla hai, shahr mein sirf rehaish ka nahi….  Aap kisi ko Lakhnau se bahaar nikal sakte ho, kisi se Lakhnau bahar nikal nahi sakte.

Khair, Behzad sahab ke fan par aate hai

Woh muddaten hui hai kisi se judaa huye
Lekin ye dil ki aag abhi tak bujhi nahi

Yeh asha’ar agar aap sab ko – jo puraani Hindustani filmon mein dilchaspi rakhte hai – ko pehchana hua lag raha hai, to unki yaadash unke saath khel nahi khel rahi. Yeh Raj Kapoor ki khud banayi hui pehli picture Aag ke mashoor naghme “Zinda hoon is tarah se” hai.

Behzad Lakhnavi ki waise sab se ziadah suni ghazal hai “Ae jazb-e-dil…” aur iske ke liyehame  Nayyara Noor aur uski roohani awaaz ka shukriya ata karna chahiye. Is ke baad hai “Dewaana banane hai to” jise Begum Akhtar se aapne khaas lehje mein dhaala hai. Main samajhta hoon ke iske baare mein kuch bhi kehna gunaah hoga, ur iski sun kar mehsoos aur samjha ja sakta hai.

Berhaal, yaahn aapke ke liye Behzad Lakhnavi ki do ghazlen. Aap ke tawajju ki umeed karta hoon…..   

Ishq ka aijaz sajdon mein rakhta hoon main
Naqsh-e-pa hota hai peshani jahan rakhta hoon main

Meri nazron ka tassaduq hai yeh husn-e-dilfareb
Apni nazron mein jamaal-e-do jahaan rakhta hoor main

Ek nasheman phoonk kar aaye barq kyun masroor hai
Ek tassavur mein bhi apne aashiyan rakhta hoon main

Ek muddat hamnavai charkh ke taaron ne ki
Ab to zarron ko shareek-e-dastaan rakhta hoon main

Fazl-egul aati hai aane de guzar jaane bhi de
Dast-e-vahshat sabr kar damaan kaha rakhta hoon main

Bezabaani par koi laillah koi meri daad de
Kuch nahi kehta aur munh mein zabaan rakhta hoon main

Mere zauq-e-bandagi par husn-e-tameeri nisar
Ek sajde mein banaye do jahan rakhta hoon main

Aur yeh

Un ko but samjha tha un ko khuda samjha tha main
Haan bata de ae jabeen-e-shauq kya saamjha tha main

Allah-Allah kya inayat kar gayi mizrab-e-ishq
Varna saaz-e-zindagi ko besada samjha tha main

Un se shikva kyon karun un se shikayat kyun karun
Khud badi mushkil se apna mudda samjha tha main

Meri halat dekhiye mera tadapna dekhiye
Aap ko is se gharz kya hai ke kya samjha tha main

Khul gaya yeh raaz un aankhon ke ashk-e-naaz se
Kaifiyat-e-husn ko gham se juda samjha tha main

Ae jabeen-e-shauq haan tujh ko badi zahmat hui
Aaj har zarrah ko inka naqsh-e-pa samjha tha main

Ek nazar par munhasir thi zeesht ki kal kainaat
Har nazar ko jaan jaan-e-mudda samjha tha main

Aap to har har qadam kar ho rahe hain jalwah gar
Aap ko hadad-e-nazar se mavra samjha tha main

Yeh fughaan, yeh shaor, yeh naale, yeh shikve the fazul
Kya bataati thi mohabbat aur kya samjha tha main

Us nigaah-e-naaz ne Behzad mujh ko kho diya
Jis nigaah-e-naaz ko apni dava samjha tha main

Advertisements

2 responses to this post.

  1. visist official web site of behzad luckhnavi..

    http://www.behzadluckhnavi.com….

    Reply

  2. Posted by ajit on March 17, 2012 at 19:11

    behad khoobsoorat shayari

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: