“Karam ki bemausam hi mujh pe baarish…..” Anwar Jalalpuri ke kuch asha’ar

Jo log haali mein Lakhnau ki sar-zameen par huye mushaira dekhne ki khaush-qismati rakhte hai woh Anwar Jalapuri sahab se khub waaqif honge. Anwar sahab aksar mushaira ke nizamaat kar rahe hote hai. Yeh ohda bahut zimmedaari ka to hai, lekin is mein aapne kalam padhne se mahroom rah jaate hai…. aur jahan tak sawaal hain Anwar sahab ka jo Dabistan-e-Lakhnau ke ek misaal hai, aap khud hi samjhe ke yeh kitni badi baat hain.

Tabhi ek mushaire mein, Anwar sahab ne kaha: “To kuch main apne sher suna doon. Sun lijiye”

(Kuch pehli koshishon ke chalte huye mein ise bhi mushaira ke andaaz mein pesh karunga. Aap hi dekhen yeh tariqa kahan tak kamyab hain)

Anwar sahab: “Main sab ka ta’aruf karata hoon. Mera ta’aruf itna hi hai”

Main chiraag hoonm na chat hai na deewar meri
Hawaaen phir bhi karti hai mukhalifaat meri

Main badshah hoon guzre huye zamaane ka
Simat ke reh gayi ek ghar mein saltanat meri

Lekin un sher ke peeche ek raaz hai. Anwar sahab ko hi bataane dijiye 

“Yeh mera ta’aruf nahi. Yeh us zabaan ka ta’aruf hai jisna main ek adna sa sha’ir hoon. Ab aap sher suniye.”

Karam ki mujh pe bemausam hi baarish kiya karta hain

Karam ki mujh pe bemausam hi baarish kiya karta hain
Main chup rehta hoon aur kuch log saazish karte rehte hain

Main chup rehta hoon aur kuch log saazish karte rehte hain.

Aur sher suniyega….

Jinhe pichli safon mein baithna tak bhi nahi aata

Jinhe pichli safon mein baithna tak bhi nahi aata
Qayadat ki wohi afraad khwaish karte rehte hai

Jinhe pichli safon mein baithna tak bhi nahi aata
Qayadat ki wohi afraad khwaish karte rehte hai

Hamara khoklapan jab hame izzat nahi deta

Hamara khoklapan jab hame izzat nahi deta
To ham apne buzurgon ki numaish karte rehte hai

Karam ki mujh pe bemausam hi baarish kiya karta hain
Main chup rehta hoon aur kuch log saazish karte rehte hain

 Yeh ghazal bhi sun lijiyega….

Jo zikr-e-haq tha use dastaan kehne lage
Zamaane waale yaqeen ko guman kehne lage

Aur yahan se sher suniye…..

Azab-e-darbadri is qadar hua ham par

Azab-e-darbadri is qadar hua ham par
Ke sakht dhoop ko ham saheban kehne lage

Azab-e-darbadri is qadar hua ham par
Ke sakht dhoop ko ham saheban kehne lage

Kuch aisa kat gaya rishta khuli fazaaon se
Aseer-e-kunj-e-kafas ko ham makaan kehne lage

Aur yeh bhi sun lijiyega. Lakhnau mein padh raha hoon. Isi sher ke liye maine baaqi ghazal sunayi hai…..

Yeh kisne cheen li saari basiraaten hamse

Yeh pura ek jaiza, ek tajzia hai….

Yeh kisne cheen li saari basiraaten hamse
Jo khushk ghaas ko ham zafraan kehne lage

Yeh kisne cheen li saari basiraaten hamse
Jo khushk ghaas ko ham zafraan kehne lage

Aur yeh sher aaj ke dine ke naam, qaumi ekjati ke naam, azaadi ke naam, Hindustan ke naam…..

Anekta mein jahan ekta mili, Anwar
Ham is dyaar ko Hindustan kehne lage

Anekta mein jahan ekta mili, Anwar
Ham is dyaar ko Hindustan kehne lage

 

Advertisements

8 responses to this post.

  1. bahut khoob anwar sb

    Reply

  2. Posted by sagar on November 7, 2011 at 11:04

    sir,
    mai to aap ko hi sunkar bada hua hoo
    aapke hi N.D.college se 2006 me paas out hoo
    kuch gajle likhta hu.lekin koi mauka dene wala nahi hai
    ek mauka dijiye na sahab aapko nirash nahi karoonga.

    aapka sishya
    sagar patel
    9838727306

    Reply

  3. Posted by ess bee on December 30, 2011 at 15:26

    Janaab kya khoob anwar saheb ne kaha hai aur kya khoob hi mr. patel aapne pesh kiya hai, subhanallah

    Reply

  4. Posted by Ahraz tariq on May 10, 2012 at 18:14

    Lajawab uncle. Mai to apki ki nizamat ko mushayro mein dekh kar bada hua hu’n aur apka bolne ka tareeqa masha allah. Jiska koi jawab hi nahi. Umdah…
    Lucknow mahotsav ka mushayra aaj b yaad jisme aapne nizamat k sath-sath apne ashaar pesh kiye the aur apko mike pe dawat-e-sukhan Gulzar Dehlvi saab ne diya tha.

    Reply

  5. Posted by arafat azmi on December 25, 2012 at 16:42

    aap ke sare ashar achhe hai
    lekin kuch khas hote hai jaise
    mujhe lage
    hamar khokla pan jab hame izzat nahi deta
    to hum apne buzurgo ki nomaiyesh karte rehte hain

    Reply

  6. Posted by arafat azmi on December 25, 2012 at 16:48

    aur
    jaise
    yeh kisne cheen li saari baseerten hum se
    jo khushk ghas ko hum zafran kehne lage
    anekta mai jahan ekta mili anwar
    hum is dyaar ko hindustan kehne lage

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: