“Socho! Aakhir kab sochenge?”….. Nawaz Deobandi ka ek paigham

Yeh post akhir kar kuch din pehle aa gayi hoti, lekin kuch vajeh se takhir ho gaya jis ke liye main aap sab se mazrat chahta hoon. Is nazm ke lafzaat to mere paas the, lekin mera irada tha ke ise phir mushaira ke andaz mein aap ke saamne laun jis se aap bhi iska ziadah lutf utha saken. Yeh karna kuch mushkil tha waqt ke hawale se, lekin Khuda ke karam se ho hi gaya.

Yeh nazm hai Dr Nawaz Deobandi ki, jinke kuch kalamm se main guzashta waqt mein aapka ta’aruf karva chuka hoon, aur aane wale waqt mein karvata rahunga…. baaqi is ke baare mein unhone hi bolne den. Main bas itni baat aur kahunga ke maine un misron ko nishan diya hai par jahan Dr sahab ne zor diya hai.   

Dr Nawaz Deobandi sahab:  Ek nazm pesh karta hoon “Socho! Aakhir Kab Sochenge?” is guzarish ke saath ke shayri ka koi mazhab nahi hota. Na shayri Hindu hoti na Mussalman hoti hai na Sikh na Isai, balke shayri ka mazhab shayri hai.  To meri yeh puri nazm na Hindu ban ke suniye na Mussalman banke, balke ek sacha Hindustani, ek insan ban ke suniye. Shayad aapko maza aaye.

Azad Hindustan ke aatavan saal guzar chuke hai. Yeh jo shayar ka karb aur ehsas hai ke hamari parasthithi yeh hai ke jab kabhi wahan aag lagti ham use Afghanistan ki aag batate hai, kabhi Iraq ki aag batate hai, kabhi Iran ki bataate hai, kabhi Assam ki batate hai, kabhi Kashmir ki batate hai hai, kabhi Kanyakumaari ki aag batate hai. Lekin doston insaniyat ka taqaza hai ke aag kahin bhi lage in pairon ke talve agar jalne lage to aapki insaniyat zinda ho jayegi.

Isi jazbaat ke saath sher arz karta hoon…

Anwar Jalalpuri sahab (nizam-e-mushaira): Inayat

Nawaz sahab: Socho! Aakhir kab sochenge? Kab sochenge?

                           : Satavan saal ho gaye hai

                          : Yahan se nazm shuru hoti hai          

                         :  Socho! Aakhir kab sochenge?

                           Darham-barham dono sochen

                          : Toote huye bhikhre huye

                           Darham-barham dono sochen
                           Mil-julkar ham dono sochen

: Agar shayri aapke ehsaas ko choo rahi hai to saboot dijiyega ke aap vaqiye sun rahe hai…

                           Darham-barham dono sochen
                           Mil-julkar ham dono sochen
                           Zakhm ka marham dono sochen
                           Sochen, par ham dono sochen

Anwar sahab: Bahut khoob

Nawaz sahab:  Ghar jal kar rakh ho jayega
                             Jab sab kuch khaak ho jayega
                             Tab sochenge?
                             Socho, aakhir kab sochenge?

Anwar sahab:  Wah Wah!

Nawaz sahab:  Socho, aakhir kab sochenge?

                          : Deewar-o-dar raakh huye hai
                            Eenth aur pathar rakh huye hai
                            Deewar-o-dar raakh huye hai
                            Unke baare mein socho
                           Jin ke chhappar rakh huye hai

Anwar sahab:  Wah Wah!

Nawaz sahab:    Unke baare mein socho
                               Jin ke chhappar rakh huye hai

                               Be bal-o-par ho jayega
                              Jab khud beghar ho jayega
                              Tab sochenge?
                              Socho! Aakhir kab sochenge?

                             Socho! Aakhir kab sochenge? Kab sochenge?

                            Faake se majboor mare hai
                            Mehnat kash mazdoor mare hai
                            Apne ghar ki aag mein jal kar
                            Gumnaam aur mashoor mare hai

                            Apne ghar ki aag mein jal kar
                            Gumnaam aur mashoor mare hai

                            Ek qayamat dar par hogi
                            Maut hamare sar par hogi
                            Tab sochenge?
                            Socho! Aakhir kab sochenge?
                            Socho! Aakhir kab sochenge?

Anwar sahab: Wah Wah!

Nawaz sahab:  Doston akhir dekhiye yeh shabdon, lafzon ka kuch khel
 
                                Kaisi bad-bu phoot rahi hai
                                Patti-patti toot rahi hai

                                Kaisi bad-bu phoot rahi hai
                                Patti-patti toot rahi hai
                                Khushbu se naraaz hai kaante
                                Gul se khush-bu root rahi hai
  
                                Gul se khush-bu root rahi hai

Anwar sahab:  Wah

Nawaz sahab:      Khush-bu rukhsat ho jayegi
                                  Baagh mein vahshat ho jayegi
                                  Tab sochenge?
                                  Socho! Aakhir kab sochenge?

Anwar sahab: Bahut achche bhayi! Wah Wah!

Jaari rahega…..

Advertisements

One response to this post.

  1. slam,my father Mr.Abdul Hameed studied with Janab Anwar jalal puri Alighar muslim university.plz contact with my father.
    hking you
    cont :9891385128

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: