Urdu ghazal ka ek aur pehlu… kuch shairaa se ta’aruf

Main bahut dinon se is mansube ko anjaam dene ko soch rahe tha lekin kuch na kuch wajah se rah jaata tha. Berhaal, aaj ise mukammal kar hi diya hai.

Ek mudda jo uthta hai aksar un tabqon mein jinhe Urdu shayri ka ziadah ilm nahi hota – ya Urdu zabaan ka – ke is adab mein auraton ka ziadah hissa nahi hai kya? Jo log jo kuch ziadah – par sirf kuch ziadah – jaante hai woh ek aad misaal pesh kar sakte hai, jaise shayri mein Parveen Shakir aur Fehmida Riaz, ya nasr mein Qurratulain Hyder ya Ismat Chughtai. Lekin woh yeh nahi jaante ke is kehkashaan mein bahut se sitaare hai…. aaiye main hi aapka kuch se ta’aruf karvaun.

Har shaira ke main do asha’ar pesh kar raha hoon…. is iraade se ke main ek jagah mein kafi saaron ko aapke saamne la sakun. Dekhiyega, kuch alag hi andaaz hai.

Main lafzi tartib se chal raha hoon aur aaghaz karta hoon Ada Jafri sahiba ke saath….

Har lafz dil ka tarjuman, har chehra aina lage
Har khush yaqeen itne hame har khwab hi sacha lage

Har shakhs hi tum sa yahan dil se pucho ‘Ada’,
Yeh dast-e-shab ka rahro kyun is kar qadar lage

Aur ab Parveen Shakir jinka main zikr kar chuka hoon

Sehra ki tarah rehte huye thak gayi aankhen
Dekh kehta hai ke main ab koi darya bhi to dekhon

Jawaz dhoondhna raha te nayi mohabbat ka
Woh keh raha tha ke mais us ko bhool jaungi

Zahida Zaidi

Ek matla

Nahi junoon na andaza-e-bahaar mujhe
Khizaan ki neem nighai zara pukar mujhe

aur

Roshni khud hi roshni kush hai
Shola saaman chiraagh jalte hai

Sajidah Zaidi

Husn-e-yaqeen, aks-e-khudi, chashm-e-rahnuma
Sab loot gaye munafaqat-e-yaar dekh kar

Milta vasl-e-yaar ka hamko jahaan kahan
Ae aarzu – yeh dil kahan, aaram-e-jaan kahan

Waheeda Naseem sahiba

Uljhi thi jis mein ek zamaane se zindagi
Kyun ae gham-e-hayaat woh gesu sanvar gaye?

Sitam hai dil ke dhadakne ko bhi qaraar kahi
Tumhare jabr ko apna hi ikhtiyar kahi

Zohra Nigaah

Safar khud raftgi ka bhi ajab andaaz ka tha
Kahi par rah bhoole the na ruk kar dam liya tha

aur isi ghazal ka maqta

Bahut din baad ‘Zahira’ tune kuch ghazlen to likhi
Na likhne ka kisi se kya koi vaadah kiya tha

Rafia Shabnam Abdi sahiba

Yehi to sabab hai ke ab tak sabhi ki dua’on mein shaamil raha woh
Ke dil mein dimaghon mein zehnon mein, nazron mein basne ka fan jaanta hai

Aur ek matla

Gayi raaton ki amanaton ko sambhal rakhna
Ke tum pe lazim hai zindagi ka khayal rakhna

Darab Bano Wafa

Do matle

Apni beeti hui rangeen jawaani de ga
Mujh ko tasveer bhi dega to puraani de ga

aur

Kya karun bhag ke main khud se jidhar jaati hoon
Har qadam par koi aaina padha paati hoon

Shahida Hasan

Phir do matle

Qalam par qarz hai jaan ka ada to ho raha hoga
Magar gumnam goshe mein koi dil ro raha hoga

aur

Vahshaton ko bhi ab kamaal kahan!
Ab junoon kar-e bemissal kahan

Masoodah Hayat

Jo sang-e-ehtisaab yaganon ke paas hai
Dushman ke haath mein bhi woh pathar kabhi na the

aur ek maqta

Jab sana bhi karne na uthe haath hamara
Aur zulf sanvar jaaye to lagta ke tum ho

Begum Mumtaz Mirza

Ek matla

Hal na pucho roz o shab ka koi anokhi baat nahi
Din ko kaise raat kahun main raat bhi to ab raat nahi

aur ek maqta

Kya hai jab bhi tasavvur hayat ka ‘Mumtaz’
Har ek baar isi anjuman se guzre hai

Bismillah Begum Bismil Sabri

Ek matla

Woh aks ban ke meri chashm-e-tar mein rahta hai
Ajeeb shakhs hai paani ke ghar mein rahta hai

aur ek maqta

Hujoom-e-ranj se kaise nikal sake ‘Bismil’
Teri talash ke raaston ne mujhko gher liya

Aur is qisht ke liye, aakhri shaira Humaira Rehman sahiba

Ek matla

Suraj ke tah mein meri aankhen dhoond rahe hai
Mere gird mere hi log hai mujh jaise hai

aur ek maqta

Be abr aasman se naseebon ki fazal tak
Aao karen ‘Humaira’ nageene talash phir

Jaari rahega…. jald

Advertisements

5 responses to this post.

  1. Posted by Nafees ur Rahman on October 22, 2010 at 05:50

    bahut si ghaltiyan hen, maslan ‘zohra nigah’ ko zahira nigah likha hey, iske alwa bhi kuchh ghaltiyan hen…iske bavajood, bahut achhi koshish hey…jaari rakhen, kuchh naye unwanat se

    Reply

  2. very nice,,,,,,,,,,, i like it……..keep it up……rock

    Reply

  3. Posted by zamza mramnagari u.p. on November 12, 2010 at 18:39

    janab aapne itne baland paya shayerat ke itne aham tareen ashaar ko bewazan tahreer farmakar sara maza kirkira kardiya az rahe karam in ashaar ko urdu rasmul khat main likh kar aashiqan e urdu tak irsal kijiye ………………khaksar zamzam ramnagari

    Reply

    • Posted by A K Nigam on March 27, 2013 at 07:00

      There are some people who specialize in criticizing any good effort even as they themselves are incapable of any good effort. Zamzam ramnagari unhi logon mein se hain. I think this is a very good effort and must be carried forward…..A K Nigam

      Reply

  4. Posted by Dara Bhupendra Singh on October 29, 2011 at 08:27

    shal post soon……………………………

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: