Urdu ghazal ka ek aur pehlu… kuch shairaa se ta’aruf II

Kuch din pehle main ne is mansube, jo bahut din se padha hua tha, ko anjaam dene ki koshish ki. Iske tahat meri koshish thi ke aapka ta’aruf kuch biwi sadi ke Urdu shairaa ke karvaun aur unke ek alag …ek infiraadi lehje ko aap padhe aur daad de. Pehli qisht mein maine kuch 13 shairaa ke do-d0 asha’ar aapke nazar rakhe the, aur yehi mubarak taddad is mein pesh karta hoon.

Is silsile ka aghaaz karte hai Mohtarma Jameela Bano se

Ek matla

Ham ahl-e-junoon ishq ko ruswa nahi karte
Vahshat hi sahi phir bhi tamasha nahi karte

Aur isi ghazal ka maqta

Jab baat pe aate hai guzar jaate hain ji see
Lekin kabhi izhar-e-tamanna nahi karte

Is ke baad Asma Saaedi

Ek sher

Latafat hai phoolon mein nikhat ka rang
Yeh kya baagh ko, baaghban kar diya

Aur isi ghazal ka maqta

Zabaan-e-mohabbat ka aijaz hai
Ke ‘Asma’ ko jaadu bayaan kar diya

Aur phir Mohtarma Noor Jahan Sarwat

Ek matla

Thi kitab-e-zeesht varaq varaq koi silsila hi nahi mil saka
Kisi zaat ka kisi naam se koi rabta hi na mil saka

Ek aur sher ek mukhtalif ghazal se

Kisi se ham mukhatib ho koi ho ru-ba-ru apne
Tum hi ko dekhte hai aur tum se hi baat hoti hai

Ab Janaab Kishwar Ara Shabnam

Ek matla

Woh bhi raaton ko meri tarah na sota hoga
Usko bhi doori ka ehsaas to hota hoga

Ek aur sher

Halaat ke maare to sambhal jaate hai aksar
Ehsaas ke maaron ko sambhalte nahi dekha

Ab Shehnaz Kanpuri

Ek maqta

Waqt aa pade to sang bhi shola nava bhi hai
Ye meri zindagi ke jo ‘Shehnaz’ ida bhi hai
 
Aur ek aur maqta

Mujh ko bahut azeez hai ‘Shehnaz’ aaj bhi
Yeh meri zindagi jo musalsal saza bhi hai

Ab Malika Naseem sahiba

Ek matla

Meri sansen shaam ki bheegi hawa mein ghul gayi
Band ki aankhen to maazi hi ki kitaabein ghul gayi

Ek maqta doosri ghazal ka

Ek ek pal zindagi ka jis ko de daala, ‘Naseem’
Ho gaya hai kyon na jaane is qadar woh badgumaan

Tartib mein chalte huye aate hai ab Zakiya Sultana par

Ek matla

Ishq nahi jo zeesht ko daulat-e-aagahi na de
Mehr nahijo khaak ko khilaat-e-roshni na de

Ek aur sher isi ghazal se

Amaad-e-naubahar ki daavat-e-sarkhushi na de
Bad-e-naseem hi woh kya jo nayi taazgi na de

Mukhtar ul-Nisa Begum Gulnaar Aafreen

Ek matla

Ae shahr-e-sitam pesha bata kis ki sada doon
Ab kaun raha hai jise paigham-e-wafa doon

Ek maqta doosri ghazal se

Ae ahd-e-wafa kyon yaad aaya?
Mujhe ‘Gulnaar’ hairat ho rahi hai

Is ke baad, Syeda Rasheeda Begum Rasheeda Ayaan

Ek maqta

Naye puraane ghao hamare sab khud hi bhar jayenge
Kuch ‘Ayaan’ ek baar woh puchen haal tumhara kaisa hai

Ek matla

Go inayat ki baarish mein bhigvaya lekin
Haq to yeh hai hai ke mera haq na barabar dekha

Sayeeda Shaan Meraj

Ek sher

Bichad ke tujh se voh aalam meri udaan ka tha
Ke main zameen ka raha aur na aasmanon ka tha

Ek maqta

Ae meri umr ke maazoor guzarte lamhon!
Tum ne jaate huye mudh kar kabhi dekha bhi hai

Ab Sadia Roshan Siddiqui

Ek sher

Chashm-e-najm shumaar ko fikr-e-falak hasar ko
Mil gaya ek ishara to arz-o-sama bhi khul gaya

Ek maqta

Hamesha ‘Sadia’ ko mausamon ka saath dena hai
Kabhi khaddar pehnna hai, kabhi makhmal mein rehna hai

Muzaffar-ul-Nisa Naaz sahiba

Ek matla

Itna main bhi jaanti hoon kya meri pehchan hai
Haan magar tujh ko samajhna itna kab asaan hai

Aur ek maqta

Kitne hi aaye gaye hai taaza mausam ki tarah
‘Naaz’ par hai mehrbaan yeh aap ka ehsaan hai

Aur ab is qisht ke liye hamaari aakhri mehmaan, Sadiya Shabnam sahiba

Ek matla

Kuche-kuche aarzoo ke shahr mein charcha raha
Mera zauq-e-justju bhi kis qadr ruswa raha

Ek maqta doosri ghazal se

Woh jo hoti hai aksar mehfil-e-ahbaab mein ‘Shabnam’
Woh saari guftagu  mujh ko suna deti jjhai awaazein

Silsila jaari rahega…

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: