Urdu ghazal ka ek aur pehlu… kuch shairaa se ta’aruf III

Yeh ek aur silsila hai jis se kafi arse se main mehroom raha, lekin zehn se nahi gaya. Darasal, is mein meri koshish rahi thi ke kuch Urdu sha’iraa ka ta’aruf aap se karva do. Is se pehle do qisht mein do chuka hai hoon, jisme terah-terah shaira ke do asha’ar diye the. Chaliye ab teesre mein yehi tadaad aapke liye….. Pehle ki tarah mein sirf asha’ar aapke saamne la raho hoon, us par koi baat nahi karunga. Ab khud hi unke dekh kar sarahe… Pukhta umeed hai pasand aayenge

Aghaz karte hai Tahira Hasan Shabnam ke saath….

Ek matla

Hai aapki duniye mein sakhawat ki badi dhoom
Yeh pyar bhi daulat hai luta kyun nahi dete

Aur isi ghazal ka maqta

Haan jurm-e-mohabbat kabhi Shabnam se hua tha
Mein naqsh hoon baraab mita kyun nahi dete

Is ke baad Syeda Parveen Rizvi Parveen Fanaa 

Ek sher

Apna padhao dasht-e-vafa be aab-o-gah
Tum ko to do char qadam hi jaana hai

Aur maqta

Kal tak chahat ki aanchal mein lipta tha
Aaj woh lamhen khwaab hai ya afsaana hai

Aur ab, Naseem Makhmoori sahiba.

Ek ghazal ka maqta

Is ki kashti is ka saahil maujen uski aur Naseem,
Woh jab chahega to bachenge, ham toofan ke hawaale the

Aur ek aur ghazal ka bhi…

Yas insaan ko beemar banati hai Naseem
Zindagi boj hai uthta nahi beemaron se

Ab Zubeidah Begum Shama

Ek sher

Lala-o-gul ki hansi aur nikhar jayegi
Mujh ko kuch der yun hi aur bhi ro lene do

Aur ek maqta

Shama duniya hai mujhe zeesht ka ek nazrana
Har ashkon ke piroti hoon, piro lene do

Is ke baad Haseena Sarwar

Ek ghazal ka matla

Kisi nigaah se chahat ka abr barsa dekha
Zameen-e-dil be uga sabza-e-tamanna dekha

Aur ek maqta

Ek zakhmi panchi ki tarah yeh ruh bhatakti hai Haseena
Tanhai ki sard gapha mein naag ghamon ke daste hain

Fehrist mein agli hai, Nafees Bano Shama

Ek maqta

Shama mat torhna ehsaas ka aaena agar
Guzre waqton ka koi aks utarta dekho

Aur ek aur

Daava tha jis ko apni masihai par bahut
Ae Shama unke ham ne karam azma liye

Ab Iffat Zareen sahiba

Ek sher

Do qadam bichadne se qafile nahi milte
Hamsafar to milte hai raaste nahi milte

Aur isi ghazal ka maqta

Aaj qatl karna bhi ban gaya hai fan Zareen
Qatl karne waalon ke puch pate nahi milte

Ab Zaheer-ul-Nisa Nigaar sahiba

Ek matla

Fazaa ka saath nibhaate nahi faza ke amir
Hawa ke rukh ko badal dete hai hawa ke amir

Ek aur sher isi ghazal se

Yeh woh sawaal hai jiska jawaab koi nahi
Wafa paraston se jalte hai kyun jafa ke amir

Ab izzat-maab, Dr Naseem Nikhat sahiba, jinka zikr main phle bhi kar chuka hoon

Ek qimati matla inka

Sulagte hothon pe shabnam ki dastaan rakh de
Zameen-e-sang pe sheeshe ka asmaan rakh de

Aur ek maqta

Har samt badhe logon ki ek bheedh hai Nikhat
Ham itne khudaon ki ibadat nahi karte

Ab Nuzhat Nigar

Ek sher

Jo dekha hai ghatayen kaha se uthti hai
Qareeb aa! Meri zulfon ko muntasir kar de

Aur ek aur sher isi ghazal se

Hai aam chehra badalne ki rut zamaane mein
Jo yeh hunar hai to Allah be hunar kar de

Is ke baad, Syeda Nuzhat Siddiqui

Ek sher

Kaise is dil ka har ek rang use dikhla doon
Ism-e-aazam koi seekhon koi jadoo aaye

Aur ek maqta isi ghazal ka

Manzil-e-shab mein hai ab mera musafir mera dil
Ab sitaara koi chamke, koi jugnu aaye

Ab Sayeeda Nasreen Nuqoosh

Ek matla

Ab to ulfat ke tasavvur se bhi dar lagta hai
Dekhi li karke zamaane se mohabbat maine

Aur isi ghazal ka maqta

Gham ke naghmat main kis ko sunayon Nasreen
Dil mein rakh li hai mohabbat ki amanat maine

Aur qisht ki aakhri shaira, Tarannum Kanpuri

Ek matla

Gardish-e-zamaane ke hausle nikalte hai
Ab to haadse mere saath-saath chalte hai

Ek maqta doosri ghazal se

Abhi ae Tarannum-e-khushnawa, nahi raaz-efan se main aashna
Meri khaamion ka jo se pata, mujhe is nazar ki talaash hai

Jaari rahega silsila….

Advertisements

One response to this post.

  1. kya mst insan ho

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: