“Panchva Farishta”….. is waqt ke ek auzar par tanz

 Bahut din pehle maine Dr Mazhar Abbas sahab ka yeh tanz-o-mizah ka shairi majmua haasil kiya tha, lekin masroofiyat aur kayi aur wajah se kafi arse yeh mere zehn se hat gaya. Guzashta raat is par ittefaq se meri nazar padhi aur maine socha ke isi dekha jaaye. Is kitab ko kholte hi yeh “Panchva Farishta” mere saamne aaya aur meri hansi hi nahi ruki. 

Shair ne bahut qabiliyat ke saath Islami “mythology” ke saath aajkal ki ek rozmarra zindagi ka ek auzar ko joda tha. Sab lafzon aur tallafuz ka khel hain, jiski ek qaabil shair se umeed ki jaati hai. Lekin main kuch ziadah ke muqaddma diye ja raha hoon, aur aapko kalam se mehroom rakh raha hoon…. Aap khud hi jaane “Panchva Farishta”    

Hai farishte yeh char jis ke naam
Ham ne bachpan mein apni Ma se sunne

Sab se afzal hai un mein Jibrail
Le kar Quran jo suye farsh badhe

Mausamon ke liye hai Mikhail
Hukm jiska hawaon par bhi chale

Maut ka hai farishta Azrael
Kam jis ka hai ruh qabz kare

Aur phookenge sor Israfil
Yeh qaymat Khuda kare na padhe

Ek farishta hai panchvan bhi magar
Kehne waale yeh mujh se kehne lage

Deta paigham yeh bhi hai sab ko
Waqt koi ho din ke raat dhale

Is ki awaaz Sor-e-Israfil
Koi sun le to kaan phatne lage

Mehfilon mein machai dhoom bahut
Khamoshi ki yeh aisi-taisi kare

Yeh Nakiran ka hai ham-palla
Har kisi ke yeh saath-saath phire

Koi lecture ho koi meeting ho
Bin bulaye har ek saath chale

Nam-e-nami hai iska ‘Mobile”
Chup hi rahiye ke phir na bajne lage

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: