Majid Deobandi ke ek geet mein kuch aur

Kuch arse pehle, mazraat kijiyega, kafi arse pehle maine aap ke saamne Dr Majid Deobandi ka ek behtareen romani geet mushaira ke andaaz mein pesh karne ki koshish ki thi. Gar aap chahen to aap use yahan dekh sakte hai

https://vahshatedil.wordpress.com/2010/02/15/majid-deobandi-ka-ek-geet-mushaira-ke-andaaz-mein/

Berhaal, mere maqsad yahan thoda sa hat ke hai. Ittefaqan, guzashta din jo mere liye aaram ka din tha aur apni adaat se majboor, main Maktaba gaya tha jahan pahunchte hi Khusro sahab ne mere istaqbal Majid sahab ke shairi majmua se kiya. Jaisa aapko umeed hogi ke, maine ise haasil karne mein kuch der nahi ki.

Aur pehla mauqa jo mila to maine to yehi geet ko dhoondh kar padhi. Lekin jo maine mushaira mein suna tha aur jo padha tha us mein kuch faraq tha. Yeh mein aap ke saamne rakh raha hoon. Yeh faraq pehle hi band main hai aur maine donon aap ke nazar kiye hai, taaqe aap khud pasand kar le jo aapko behtar lage. Doosra faraq hai ke majmua mein ek aur band hai aur ise main * ishare ke saath se diya hai. Waise yeh teesre par aata hai.

Chaliye, itni daleel doonga main. Baaqi aapke liye hai. Ho sakta hai pasand aaye.

Main tere husn ko naghmat ke saanche mein dhalunga
Tujhe tujhse chura loonga, tujhe tujhse chura loonga
Tujhe tujhse chura loonga

Fazayen noor mein doobe hawaon mein mehak jaage
Zamana sar jhukayega hamare pyar ke saamne
Har ek rusvai se daman ko tere main bacha loonga
Tujhe tujhse chura loonga

(ya

Fazayen noor mein doobe sitaaron ke badan jaage
Zameenon par falak jhukne laga hai pyaar ke aage
Mohabbat se main apni ab zamaane ko jhuka loonga
Tujhe tujhse chura loonga)

Yeh tere jism ki khushbu yeh tere zulf ke saaye
Meri baahon ke halke mein kabhi ae kaash tu aaye
Teri sanson ki garmi ko main saanson mein basa loonga
Tujhe tujhse chura loonga

*Tera khwabon mein aakar raat woh armaan jaga dena
Sukoon-e-qalb ke roshan chiraghon ko bujha dena
Tu hi keh de aese kis tarah khud ko sambalonga
Tujhe tujhse chura loonga

Jo tera saath mil jaaye dikha doon main zamaane ko
Mukammal kar ke aapne rangeen fasaane ko
Kitab-e-zeesht ka apni tujhe unwaan bana loonga
Tujhe tujhse chura loonga

Dara sakti nahi duniya mujhe auron salasil se
Guzar jaaonga hanste tha khelta yaaron marahil se
Wafa ki raah mein ‘Majid’ main hasti ko mita loonga
Tujhe tujhse chura loonga

Advertisements

2 responses to this post.

  1. Posted by Nafees ur Rahman on October 22, 2010 at 06:04

    Ji han, Majid Deobandi, ek achhey shayer hen, me unki bahut izzat karta tha…magar unki ek qabeeh harkat se dil toot gaya…hua yoon ki 10-12 saal qabl MMORADABAD me bayaad e JIGAR ek mushayrey ka ehtamaam kiya gaya, jis me ALI SARDAR JAAFRI n MAJROOH SULTANPURI bhi tashreef laye, yeh Moradabad ke awaam ki khush qismati thi ki Sardar n Majrooh jesi shakhsiyaat ko sunne ka moqa mil raha tha…lekin Janaab NAWAAZ DEOBANDI jo microphone se chimtey, to jaane ka naam na liya, Ustaad so’raa ke saamney unko maroob karne ke liye, 80 mnts ke baad microphone chhorha, nateeja yeh ki JAFRI sahab aleel they, pehli bar Moradabad aye they, Majrooh 50 saal baad tashreef laye they, in hazraat ne bas 2-3 as’ar hi sunaye, bahut thak chukey they…jo bazoq same’en they, unko bura laga ki sara waqt Nawaz Deobandi hi kha gaye, Asaatza ke liye waqt nahin raha..us din Nawaz Deobandi ka qad ghat kar urdu adab me ek ‘BONA’ hogaya

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: