Ek behtareen adakara ke behtareen kalam

Kuch log ki kabiliyat hoti hai ke aapne chune huye shaube to maqbool hote hi hai, lekin kisi aur mukhtalif shaube mein bhi jab utarte hai, us mein hi bhi kamyabi ki wohi bulandion pe aa jaate hai…. Misaal ke taur par is shakhs ko dekhe. Yeh ek behtareen adakara thi, jo sher-o-shayri mein masruf rehti thi. Isi se kuch log unhe pehchan liye honge….. jo nahi pehchan sake woh pehle kuch unke kalam dekhe, aur phir baaqi baatein

Do  nazm aur do ghazal aap ke nazar. Pehli nazm:

Yeh raat ye tanhai
Yeh dil ke dhadakne ki aawaaz
Yeh sannata
Yeh dubte taaron ki
Khaamosh ghazal-khwaani
Yeh vaqt ki palkon par
Soti hui veeraani
Jazbaat-e-mohabbat ki
Yeh aakhiri angdaai
Bajaati hui har jaanib
Yeh maut ki shahnaai
Sab tum ko bulaate hai
Pal bhar ko tum aa jaao
Band hoti meri aankhon mein
Mohabbat ka
Ik khwaab sajaa jaao

Ek aur dekhen….

Dil ko kaise samjhayen ham ke raat guzarne waali hai
Bas raat ki baat hi saari hai aur raat guzarne waali hai
Ab raat guzarne waali hai
Ujle din ke beganon mein
Dil bhatka bhatka rahta hai
Chandhiyane wali roshni jab
Is sham ko bhi sanvla degi
Dhundhlaka aankh churaye jab – tab raat ke
Narm-mulayam andhere
Aas sambhale baithenge
Lootega dil jo thaka-haara
Waise hi akela becharah
Is akele ek dil ko ham phir kaise bahlayen?
Aur raat guzarne waali hai
Bas raat guzarne waali hai

Ab ghazal par aate hain…. Yeh dekhiye

Aagaz to hota hai anjaam nahi hota
Jab meri kahaani mein woh naam nahi hota

Jab zulf ki kaalikh mein ghul jaaye koi rahi
Badnam sahi lekin gumnaam nahi hota

Hans hans ke jawaan dil ke ham kyon na chunen tukde
Har shakhs ki qismat mein inaam nahi hota

Bahte hue aansu ne aankhon se kaha tham kar
Jo mai se pighal jaaye vo jaam nahi hota

Din doobe hai ya doobi baaraat liye kashti
Saahil pe magar koi kohraam nahi hota

Aur yeh bhi….

Yun teri rahguzar se dewaanavaar guzre
Kaandhe pe apne rakh ke apna mazaar guzre
 
Baithe rahe hai raasta mein dil ka khandar saja kar
Shayad isi taraf se ek din bahaar guzre

Bahti hui ye nadiya ghulte hue kinaare
Koi to paar utare koi to paar guzare

Tu ne bhi ham ko dekha hamne bhi tujhko dekha
Tu dil hi haar guzra ham jaan haar guzre

Jaari rahega…. Bahut jald

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: