Nazar-e-Dil…..Majaz ki ek nazm

Mere paintesve (35th) yaum-e-Brigade ke mauqe par kuch main yadgaar pesh karna chahte tha yahan…. Aur iska acha kya hoga ke us shakhs ka kalam ho jiske ek misre…… neem-misre se is muhim ka naam aaya hai. To lijiye is mauqe par sama bandne ke liye Janab Asrar-ul-Haq Majaz Lakhnavi ki ek behtareen nazm, jo ek paigham ke saath aati hai…. zindagi ke woh rah, woh morh jis par se ham nahi guzre, ya hamare saamne nahi aaye, ya ham un tak pahunchne ka tariqe ya saliqe se mehroom rahe. Yeh baatein apni zehn mein rakh kar Majaz sahab ki yeh qimati kalam ka lutf uthayen….. is nazm ka unwaan hai:

                                        Nazar-e-Dil

                                       (Un ke naam)

Apne dil ko dono aalam se utha sakta hoon main
Kya samajhti ho ke tum ko bhula skata hoon main

Kaun tum se cheen sakta hai mujhe, kya vahm hai
Khud Zuleikha se bhi to daman bacha sakta hoon main

Dil mein tum paida karo pehli meri si jurratein
Aur phir dekho ke tum ko kya bana sakta hoon main

Dafan kar sakta hoon seene mein tumhare raaz ko
Aur tum chaho to afsana bana sakta hoon main

Main qasam khata hoon apne natiq ke aijaz ki
Tum ko bazm-e-mah-o-anjum mein baitha sakta hoon main

Sar pe rakh sakta hoon taj-e-kishwar-e-nooraniyan
Mehfil-e-khursheed ko neecha dikha sakta hoon main

Main bahut sarkash hoon lekin ek tumhaare vaaste
Dil bacha sakta hoon, aankhen bacha sakta hoon main

Tum agar rootho to ek tumko manaane ke liye
Geet ga sakta hoon main aansu baha sakta hoon main

Jazb hai dil mein dono jahan ka soz-o-saz
Barbat-e-fitrat ka har naghma suna sakta hoon main

Tum samajhti ho ke hain parde bahut se darmiyan
Main yeh kehta hoon ke har pardah utha sakta hoon main

Tum ke ban sakti ho har mehfil mein firdaus-e-nazar
Maujh ko yeh dawa ke har mehfil pe chah sakta hoon main

Aao mil kar inquilab-e-tazah tar paida karen
Der par is tarah chha jaayen ke sab dekha karen 

Bas….

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: