Majaz ki ghazlon se kuch maqte

Urdu ghazal ke alag-alag hisson mein maqta, ya ghazal ka aakhri sher jis mein shayar apna takhallus dekar apni pehchan banata hai, ek khaas ahmiyat rakhta hai. Yeh laazim nahi ke yeh ghazal ka sabse behtareen sher ho, woh ohda to bait-ul-ghazal ka hota hain lekin yeh sach zaroor hai ke yeh ghazal ka ek yaadgar sher hota hai. Is mein shayar apne sune waalon ko mukhatib karta hai, ya khud mukhatib hota…. donon tariqe se badi baat aapke saamne layi jaati hai.

Berhaal, is naye ijaad mein mein aapke saamne kuch chuninda shayron ke ghazlon ke maqte aapke saamne layunga…. Is aghaz us behtareen, bemisaal aur lajawaab shayar se karta hoon jisne apni chand zindagi mein Urdu adab ke kahkashan mein ek shahab ki tarah apna raasta tayy kiya… Janab Asrar ul-Haq Majaz Lakhnavi. Lutf uthaye bina kis dakhl ya daleel ke

Raat Taaron ko torhna bhi Majaz
Baas-e-iztiraab hona tha

Mujhe sune na koi mast-e-badah ishrat
Majaz toote hue dil ki ek sada hoon main

Saari mehfil jis pe jhoom uthi Majaz
Woh to awaaz-e-shikast-e-saaz hai

Kahan ka karam aur kaisi inayat
Majaz ab jafa hi jafa chahta hoon

Allah Allah ye naaz-e-husn Majaz
Intezar-e-salaam hota hai

Inka karam hai inki mohabbat Majaz
Kya mere naghme, kya meri hasti

Mithti hawaon ko dekh ke kyun ro na den Majaz
Aakhir kisi ke ham bhi mitaye huye to hai

Sab isi ishq ke karishme hai
Varna kya ae Majaz hai ham log

Hoti hai is mein husn ki tauheen ae Majaz
Itna na ahle-e-ishq ko rusva kare koi

Aaj bhi hai Majaz khak nasheen
Aur nazar arsh par hai kya kahiye

Dekh sakta hoon jo aankhon se woh kafi hai Majaz
Ahl-e-irfaan ki nawaazish mujhe manzoor nahi

Bakshi hai ham ko ishq ne woh jurratein Majaz
Darte nahi siyasat-e-ahl-o-jahaan se ham

Khul gayi thi saaf gardun ki haqiqat ae Majaz
Khariyat guzri ke shaheen zer-e-dam aa hi gaya

Majaz kisi ko samjhaon koi kya samjhe
Kye kamyaab-emohabbat bhi kamyaab nahi

Husn aur ishq ko de taana bedaad Majaz
Tum ko to sirf isi baat pe mar jaana tha

Tum Majaz  deewane maslihat se begaane
Varna ham bana lete tumko razdaan apna

Tum bhi Majaz insaan ho aakhir lakh chupao ishq apna
Yeh bhed magar khul jayega yeh raaz magar afsha hoga

Sach to yeh hai Majaz ki duniya
Husn aur ishq ke siva kya hai

Majaz ek badah kashi to hai yaqeenan
Jo ham sunte the woh aalam nahi hai

Zamaane se aage to badhe Majaz
Zamaane ko aage badhana bhi hai

Kya bata doon Majaz ki duniya
Kuch haqiqat numa bhi hoti hai

Kyun Majaz aapne saghar torha
Aaj yeh shahr mein charcha kiya tha

Phir Majaz in donon yeh khatra hai
Dil halak-e-butaan na ho jaye

Sangsaari hai ke loha bhi pighal jaye Majaz
Lab-e-faryad pe bijli koi aijaz nahi

Mah o anjum bhi hoon sharmindah tanveer Majaz
Dast-e-zulamt mein ek aisa chiraghan kar de

Ata kiya hai Majaz fitrat ne woh mazaq-e-lateef ham ko
Ke alam e ab-o-gul se hat jar ek aur aalam bane rahe hai

Yeh silsila jaari rahega ek aur shayar ke saath….

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: