Hasrat Mohani sahab ki ghazlon se kuch maqte

Yeh is muhim mein teesra kisht hai lekin Hakim sahab abhi bhi mehroom rah gaye hai. Mere pura iraada yehi tha ke is bar unki baari hogi, aur maine unke ghazlon se maqte bhi farahm kar liye the jab ke mere zehn mein ek aur naam aaya. Yeh woh shakhs hain jinka sabse mashoor qalam woh pehle tha jo mere zehn mein aaya tha, aur sirf yeh nahi, ise maine apni zindagi mein mehsoos bhi kiya hai. Tabi Hakim sahab ko bhi intezar karne ki zehmat dene padhi, aur ise bemisaal aur lajawab shair ko main aapke saamne laana lazim tha….

Yeh janab-e-aali ka isme shareef Maulana Syed Fazl ul Hasan hai, jo apne mein hi mashoor hai….. un logon ke liye jo is mulk ki tarikh se vakif hai, kam se kam jang-e-azaadi ke mukhtalif pahluon se. 

Khair, yeh meri taqreer ka maqsad nahi. Mujhe to unke shairana zindagi se matlab hai jis mein yeh Hasrat Mohani ke naam se khub jaane jaate hai…. Main inke baare mein yahan bahut kuch likha hai aur main dohrana nahi chahta hoon. Itna hi sirf ke inke kalam aur inka Maulana ka khitaab mein koi rishta nahi hai…. Lekin aap khud hi dekhen. Aghaz hai us ghazal ke maqte se jo meri sab se pasandida ghazal hai…..  Baaqi mera koi dakhl nahi, aap sab khud ahl-e-aql hai…..

Bawajood-e-idda-e-ittaqa Hasrat mujhe
Aaj tak ahd-e-havas ka ye fasaana yaad hai

Haqeeqat khul gai Hasrat tere tark-e-mohabbat ki
Tujhe to ab wo pahle se bhi bad kar yaad aate hai

Sab ghalat kahte the lutf-e-yaar ko wajah-e-sukoon
Dard-e-dil is ne to Hasrat aur doona kar diya

Vo jo bigade to khafa tum bhi hue kyun Hasrat
Paa-e-nakhuvat pe sar-e-shauq jhuka dena tha

Hawas-e-deed miti hai na mitegi Hasrat
Dekhne ke liye chaaho unhe jitna dekho

Hasrat phir aur jaake karen kisi ki bandagi
Acha jo sar uthayen bhi is astaan se ham

Hasrat bahut hai martaba aashiq buland
Tujh ko ho muft mashoor logon ne kar diya

Kashmakash-ae-alaam se ab yeh Hasrat ji mein hai
Chooth ke in jhagdon se mehmaan-e-faza ho jaaye

Tera karam ka sazawar to nahi Hasrat
Ab aage teri khushi hai jo sarfaraz kare

Rind mae nosh kabhi sufi safi hai kabhi
Hasrat aakhir tera rang-e-tabiyat kya hai

Jism hota hai juda jaan se goya Hasrat
Aasman usi se churhata hai juda hota hai

Ho jinhen ho hamen to hai Hasrat
Khwaish-e-zar bhi dard-e-sar ki talash

Marta bhi kisi shokh jafa kar pe Hasrat
Shayad fasana kahi tumne bhi suna ho

Kisi pe mit ke rah jaana hai Hasrat
Hamen kya kaam umr-e-javidan se

Aati hai teri yaad so Hasrat ko shab-e-gham
Har baar ise fasana dil keh ke sunana

Ham khoob samjhe hai Hasrat se teri baatein
Iqraar ka pardah hai inkaar nahi tera

Phir aur kahan hai dil-e-gumgashta Hasrat
Aakhir jo tere tarah gesu mein nahi hai

Ghuroor-e-husn ki taseer se dar hai mujhe Hasrat
Kahi aisa na ho yeh ishq ko bhi khudnuma kar de

Kuch had bhi hai is shorish-e-khamosh ki Hasrat
Yeh kashmakash-e-gham tujhe bekar na kar de

Hasrat vo soz-e-khas jo ho haasil-e-firaq
Teri sukhan mein is ki bhi lazzat hai aajkal

Kyun na ho khatre mein Hasrat kaafila ahrar ka
Rahzan ho jab wahi jo rahbar manzil ke hai

Haal khul jayega betaabi-e-dil ka Hasrat
Baar baar aap unhen shauq se dekha na karen

Inhen ab naz hai khud apni surat par ke barson se
Parastish kar raha hai Hasrat-e-rangeen bayan meri

Hasrat sabab hai ishq tere iztiraab ka
Ab tak khabar nahi tujhe is inquilab ki

Ek baar tha sar, gardan-e-Hasrat pe rahenge
Qaatil teri shamsheer ke ehsaan hazaaron

Poochte hai voh jan-nisaaron ko
Tum bhi utho Hasrat salaam karo

Ab kahe ko aayenge phir Hasrat
Aghaz-e-junoon ke woh zamaane

Karo sair duniya-e-hairat bhi Hasrat
Khirdmandi-o-hoshiyari kahan tak

Zahid ko jafa-kashi mubarak
Hasrat ko maza qalandari ka

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: