Ameer Meenai ki ghazlon se kuch maqte

Agar aapki qismat ko hain aap Lakhnau ki sarzameen mein ho, aur Chauk ki taraf ja rahe ho Residency ki taraf se to aage Daliganj pul ko apne daye mein par karke, railway bridge ke neeche se hoke aap baye ko mudhe, baraye-karam, to aap us rah par aayenge jise waqt aur kamzor talaffuz ne ‘Shamiana Road’ bana diya hai. Darsal yeh Shah Mina Road hai us mashoor sufi ke naam se jis ki mazar aage Dental College ke saamne padhta hai. Isi khandaan se the Munshi Ameer Ahmed Ameer Meenai. Hazrat ke baare mein mein pehle likh chuka hoon aur aap chahe to yahan padh sakte hai:

https://vahshatedil.wordpress.com/2009/11/05/dabistan-e-lakhnau-ke-kuch-namoone-9-ameer-meenai/

Main sirf yahan aap ke nazar Ameer ke kuch maqte pesh karunga, aur pehle ki tarah aaghaz us se karunga jo sab se jaana hua hai. Doosra unki ek ghazal se hain jise kuch maqbool gulukaaron se pesh ki hai…shayad kafi logon ne suni hogi…. Aur aakhri maqte se aap ziadah achcha samajh payenge ke Ameer Dabistan-e-Lakhnau ke alambardar kyun the….

Khanjar chale kisi par tadapte hain ham Ameer
Saare jahan ka dard hamaare jigar mein hai

Zar se zar hai jahan mein Ameer
Dil hi baither jo lutf uthayen ham

Jabr jo chahen woh ham pe kar le
Hain Ameer un ke ikhtiyar mein ham

Ameer ab mehbrbaan hai mujh pe sayyad
Khabar pahunche na us ki baghbaan tak

Rahe na daagh-e-jawaani Ameer peeri mein
Jalaye shab ko sahr ho gaye bujhaye chiragh

Ab milegi sukhan ki daad Ameer
Aaj mehfil mein hain sukhandan jamaa

Maikadah chorh ke jannat ki tarf jaye Ameer
Chadh ke mimbar pe yeh ki khub adalat waiz

Kise hai fikr mazamin tazah ki fursat
Ameer hai mujhe shirini-e-zabaan se gharz

Hamare dil ka wahi dard Ameer kuch samjhe
Hua ho ishq mein mubtalae dard-e-jigar

Haal par ajdaad-o-abba ke tafakhar kiya Ameer
Hain woh nadaan jin ho hai qisse kahani pe ghamand

Vaada kiya hai us ne to aayenge voh Ameer
Kuch is ke qaul ki na qasm ki hai ehtiyaj

Badan mein rooh ko aane se kaam kya tha Ameer
Chalan dikhane ko aayi thi bewafaai ka

Kis dhitaai se vo dil cheen ke kahte hai Ameer
Vo mera ghar hai rahe jis mein mohabbat meri

Uthtaa hai naazaa mein vo sarhaane se ae Ameer
Mitata hai aasraa dil-e-ummeedvaar ka

Is zaamane mein nahi naam sakhavat ka ae Ameer
Kaun mohsin hai uthaye koi ahsaan kisi ka

Barq agar garmaye raftaar main achhi hai Ameer
Garmi-e-husn mein voh barq jamaal achha hai

Kya vasl ho, voh kaafir tum ae Ameer momin
Kitne juda juda hai sham-o-sehar ko dekho

Dekhta hoon kabhi aaena to rota hoon Ameer
Apni surat pe khud aata hai tarham mujh ko

Laakh mohabbat ki na nikli vasl ki surat Ameer
Saamne taqdeer ke chalti hai tadbeerein kya

Raat din marte hai us but par Ameer
Saikdon bande hai Khuda ke aashiq

Behtar kahi yeh qaid rihai se hai Ameer
Huye hain paaband-e-silsilaae tab dar zulf

Junoon mein naseeb se yeh shakal ban gayi hai Ameer
Lipat ke paaon se roti hai rah ki gardish

Shayar ko fikr sher mein raahat kahan Ameer
Aaram chahta hai to mashooq-e-sukhan ko chorh

Kehte bedaad us zamaane ke atba hai Ameer
Haal beemaron ka sunte hai fasaane ki tarah

Rote hai phoot phoot ke kyun able Ameer
Dekho to toota hai koi nok-e-khar aaj

Jo ladkhada ke gire to qadam pe saqi ke
Ameer mast nahi hoshiyaar ham bhi hai

Ham bhi maujud the kal mehfil jaanan mein Ameer
Raat ko der talak aap ka mazkor raha

Saaz tha mujh se jo aah-e-dil sozan ko Ameer
Abr-e-gham ban ke mere gor pe cha rahna tha

Zeenat-e-mehfil-e-arbaab-e-sukhan tha main Ameer
Na rahi raunaq-e-bazm-e-shohra mere baad

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: