Dabistan-e-Lakhnau ke kuch namoone #20: Riaz Khairabadi

Bahut muddat se is silsile main ne kuch naya nahi pesh kiya tha maine, jab ke bahut mauqe aur shayar maujud the. Main is ke liye pasheman hoon aur khaas taur is wajah se ke ek badi shakshiyat, is dabistan ke ek alam-bardar, ko aapki nazar se mehroom rahna pada. Berhaal, aur takhir na karte huye, main aapke pe saamne pesh karta hoon Janaab Munshi Syed Riaz-ud-din Riaz Khairabadi.

Ek khaas baat hai is dabistan ke shayron mein, jaise main ek Hazrat ke liye pehle bhi farma chuka hoon – ke inke quvvat-e-tasavvur bemisal thi. Ab wohi hazrat, jinhe aap mein se kuch Hasrat Mohani ke naam se jaante hai magar bahut kam hi is baat se vaqif honge ke unka asli naam Maulana Syed Fazlul Hasan tha. Itni roomani shayri pesh ki hai inhone ke jo un se aur un ke kaam se vaqif na ho use unki asli zindagi maane mein kuch pareshani hogi.

Aise hi Riaz sahab hai, jo Sitapur ke Khairabad shahr se ta’aluq rakhte hai. Zindagi bhar unka sharab se parhez tha lekin shayad hi Urdu shayari mein unse acha koi hoga sharab aur mai-noshi pe likhne mein. Iska saboot aapko ana waale dinon mein milta rahega. Abhi ke liye main aapke nazar Riaz Khairabadi ki do muktsar si ghazlen rakh hoon ke aapka ta’aruf to ho jaaye. Main maanta hoon ke yah kisi lihaz ka kafi nahi hai, lekin pehli mulaqat ke liye to chalega…. Tawajju chahunga aap sab khwatin-o-hazraat ka

Mujh se badh kar dil mera gustaakh
Nazar us se bhi kuch sava gustaakh

Aaj pi to dekha hai waiz ko
Main kabhi is qadr na tha gustaakh

Cherh hai donon ki halke aanchal se
Shokh kuch aap kuch saba gustaakh

Haath dastar par rahe waiz
Ke hai maikhane ki hawa gustaakh

Ek himaqat ke saath udhar waiz
Is taraf ek Riaz ya Gustaakh*

(* Gustaakh Rampuri ki taraf ishara)

Aur yeh bhi…..

Ji uthe hashr mein phir ji se guzarne vaale
Yaan bhi paida huye phir aap pe marne waale

Hai udaasi shab-e-maatam ki suhaani kaisi
Chaaon mein taaron ki nikle hain savarne waale

Ham to samjhe the ki dushman pe uthaya khanjar
Tumne jaana ki hami tum pe hain marne waale

Sabr ki mere, mujhe daad zara de dena
O mere hashr ke din faislaa karne vaale

Kya maza deti hai bijli ki chamak mujhko Riaz
Mujhse lipte hai, mere naam se darne waale

Janaab Riaz sahab se mulaqat phir hogi yahi, aur jald hi….

Advertisements

2 responses to this post.

  1. Posted by Parag Agrawal on October 16, 2011 at 08:16

    Janaab…

    aapne choti behr mein jo ghazal riyaaz sahab ki daali hai, uske kuch misre shayad aapne ghalat type kar diye hain, Please use sudhaar kar, ghazal dobara post kijiye,,

    Padhne waale ka tasalsul toot jaata hai

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: