Firaaq Gorakhpuri ke do ghazlen, kuch asha’ar

Janaab Raghupati Sahay Firaaq Gorakhpuri ka maine yahan zikr to kiya hai kuch latifon mein lekin aapko unki shayari se ta’aruf nahi karvaya hai abhi tak. Yeh meri laparvahi hai aur iske liye aapki mazrat chahunga. Khair, ab is ka kuch kiya jayega, aur aapko Firaaq ke kalaam yahan aksar milenge. Is baar ke liye do ghazalen air kuch asha’ar aapke nazar.

Yeh pehli ghazal shayad aapne suni ho. Ise ek jaane maane gulkar ne pesh kiya hai, jisko sun ne be baad meri bhi yaadein taza ho gayi….

Bahut pahle se un kadmon ki aahaat jaan lete hai
Tujhe ai zindagi ham door se pahchaan lete hai

Meri nazre bhi aise qaatilon ka jaan-o-imaan hai
Nigaahen milte hi jo jaan aur imaan lete hai

Tabiyat apni ghabrati hai jab sunsaan raaton mein
Ham aise mein teri yaadon ki chaadar taan lete hai

Khud apna faisla bhi ishq mein kafi nahi hota
Use bhi kaise kar guzren jo dil mein than lete hai

Jise soorat bataate hai pata deti hai seerat ka
Ibaarat dekh kar jis tarha maanii jaan lete hai

Tujhe ghaata na hone denge kaarobaar-e-ulfat mein
Ham apne sar tera ae dost har ehsaan lete hai

Hamaari har nazar tujhse nayi saugandh khaati hai
To teri har nazar se ham naya paigham lete hai

Firaq aksar badal kar bhes miltaa hai koi kaafir
Kabhi ham jaan lete hain kabhi pehchaan lete hai

Aur yeh bhi

Shaam-e-gham kuch us nigaah-e-naaz ki baaten karo
Bekhudi badhti chali hai raaz ki baaten karo

Nakhat-e-zulf-e-pareshaan, dastaan-e-shaam-e-gham
Subah hone tak isi andaaz ki baaten karo

Ye sukut-e-yaas ye dil ki ragon ka tootna
Khamoshi mein kuch shikast-e-saaz ki baaten karo

Har rag-e-dil vazd mein aati rahe dukhti rahe
Yun hi us ke ja-o-beja naaz ki baaten karo

Kuch qafas ki tiliyon se chhan raha hai noor sa
Kuch faza kuch hasrat-e-parvaaz ki baaten karo

Jis ki furqat ne palat di ishq ki kaaya Firaq
Aaj usi Isa-nafas damsaaz ki baatein karo

Aur yeh bhi dekh len….

Aane waale nasle tum pe rashk karengi ham-aseeron
Jab un ko ye dhyan aayega tum ne Firaaq ko dekha tha

Ham se kya ho saka mohabbat mein
Khair tum ne to bewafai ki

Aaj unhen meharbaan pa kar
Khush hue aur ji mein dar bhi gaye

Tum mukhatib bhi ho qareeb bhi ho
Tum ko dekhun ki tum se baat karun

Kharab hoke utha hoon teri nigaahon se
Main sochta hoon duniya sanvar gai hogi

Masoom hai mohabbat lekin isi ke haathon
Ai jaan-e-ishq main ne tera buraa bhi chaaha

Abhi ke liye yeh hi… Firaaq se jald phir mulaqat hogi….

Advertisements

One response to this post.

  1. Posted by syed rizwan ali on April 24, 2011 at 09:45

    wonderful poetry by wonderful shayar

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: