‘Shaad Lakhnavi’ se ta’aruf

Lucknow ki sar-zameen mein, is ki ab-o-hawa mein kuch khaas jadoo hai ke ek shairana mizaj paida kar dete hai. Chahe zamane kitna badal jaaye, yeh khususiyat barqarar rehti hai, aur sab mein apna asar farmati hai, bhale woh kisi bhi qaum ya mazhab se vabasta ho. Yehi khayalat mujhe ek mushaira ko yaad karte aaya jab maine Janab Khushbir Singh Shaad Lakhnavi ko apne kalam pesh karte suna….

Aaiye, aapka bhi in se ta’aruf karvaya jaaye, in ke kalam ke hawaale se… Pehli do ghazlen usi mushairah – Mushairah Jashn-e-Lakhnau – pe inhone ne pesh ki thi, aur baaqi do mujhe kuch mohsino ke karam se mili…. Baaqi main kuch nahi kahunga. Aap inhe paadhe aur inke jazbaaton ko samjhe… Umeed hain yeh aapko pasand aayengi……

Ab andheron mein jo ham khaufzada baithe hai
Kya kahe khud hi chiraghon ko bujha baithe hai

Bas yeh soch ke taskeen si ho jaati hai
Aur luch log bhi duniya se khafa baithe hai

Dekh le jaana-e-wafa aaj teri mehfil mein
Ek mujrim ke tarah ahle-wafa baithe hai

Ek ham hai ke paristish ke aqeeda hi nahi
Aur kuch log yahan ban ke Khuda baithe hai

Aur yeh

Aeene mein pehle ek chehra hua karta tha main
Yeh mujhe kya ho gaya hai kya hua karta tha main

Pyaas ki surat khada hoon aaj sab ke saamne
Log kehte hai kabhi darya hua karta tha main

Ab bhatakta phir raha hoon har taraf is dhoop mein
Dasht mein ek abr ka saaya hua karta tha main

Waqt ne pathar bana diya mere ehsaas ko
Aab-gina ki tarah varna hua karta tha main

Kya udayegi hawa ab sahilon ki ret ti
Bhool ja woh din jab sehra hua karta hua tha main

Shaad woh darya hoon jisko apni gusakh kha gayi
Jab tak jheel tha gehra hua karta tha main

Aur ek ye dekhe…

Tu apni mohabbat pe yaqeen kyun nahi karta
Inkaar agar hai to nahi kyun nahi karta

Tu kab se yahan khoya hua ghoom raha hai
To justju bhi apni yahi kyun nahi karta

Jab ho gaya taameer to phir sochta kya hai
Aabad makaan ko ye makeeN kyun nahi karta

Aankhein to har ik baat teri maan chuki hai
Ye dil tere kahne pe yaqeen kyun nahi karta

Kya tu bhi wahan ja ke hamen bhool gaya hai
Aflaak pe tu zikr-e-zameen kyun nahi karta

Rudaad mein teii abhi imkaan hai kitne
Ae Shaad ise aur haseen kyun nahi karta

Aur yeh bhi

Jeena parta ha kabhi zarf se kamtar ho kar
Bheek daryaon se maangi ha samandar ho kar

Haan ye tasveer kabhi baat kiya karti thi
Dekhti rehti hain ankhein jise pathar ho kar

Umr bhar mere tasavvur ne tarasha tha jise
Ab wo saya kahi gum ho gaya paikar ho kar

Mera is ishq mein nuqsan hua ha kitna
Khud se mehroom hua tujh ko mayassar ho kar

Mere ehsaas pe ghalib hi rahi ik vahshat
Mushkile kam na hui ranj ka khugar ho kar

Is se behtar ha ke ik baar utar ja dil men
Kyun ulajhta ha mere zakhm se nashtar ho kar

Mera dukh ye ha ke sab Shad samajhte hain mujhe
Is aziyat se be guzra hoon, sukhanwar ho kar

Advertisements

One response to this post.

  1. Posted by Rishi on January 9, 2011 at 13:36

    “jazbaaton ko samjhe”

    The word ‘Jazbaaton’ dosent exist, it is commonly misused form of ‘Jazbaat’

    Jazba – singular
    Jazbaat – plural

    Sorry for nitpicking

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: