Dabistan-e-Lakhnau ki ek sair

Dabistan-e-Lakhnau ke shayaron se aapka ta’aruf karvane ke iraade se maine yeh muhim ka aaghaz kiya tha, aur mere khayal se, main is kaam mein kafi kamyaab raha hoon abhi tak. Aap kabhi is site par ek silsila jiska unwaan hai “Dabistan-e-Lakhnau ki kuch namoone” ko dhoondhenge to aapko kafi badi shaksiyatein mil sakengi, jaise Aziz Lakhnavi, Saaqib Lakhnavi,  Asr Lakhnavi, Hasrat Mohani aur Majaz Lakhnavi, agar kuch hi naam hi loon. Lekin jaise maine kaha tha ke yeh dabistan sirf kuch naami logon ka hi nahi, is mein kafi aur saare bhi the. In mein se kuch ka main aap se ek muktsar sa ta’aruf karvane ka khwaishmand hoon… in se takalluf se phir jald milenge. Tab tak ke liye yeh…. 13 shairon se miliye. Yeh kuch kaas andaz se pesh nahi kiye gaye hai ahd ya unwaan ke lihaaz se, lekin sirf Angreezi lafzon ke tarib se. Umeed hai ke aap ko in sab se mil kar lutf milega. Mera dakhl itna hi….

Aaaghz karte hai Munshi Ahmad Khan Ahmad Lakhnavi se

Hashr tak bhoolon na ehsan main tera baad-e-saba
Mujhko pahuncha de uda kar mere yaar ke paas

Saabit hua hai bagh mein ja ja ke ae sanam
Rukh ne tere udaya gul-e-yasmeen ke tarz

Mir Muzaffar Ali Khan Aseer Lakhnavi

Saabit apna na hua khoon ki par dam-e-hashr
Naaz ne ghamzah pe ghamzah ne ada par rakha

Dar kar tere aage yeh huye maael-e-parvaaz
Paida hua parvaane sift baal-o-par shamaa

Mirza Mohammad Raza Barq Lakhnavi

Aadmi kya main ke un ke daraane se darun
Butparasti na choothi khauf-e-Khuda ke baas

Ada-o-naaz-o-shokhi Barq! Alaam ki nazar mein hai
Churata hai woh shokh aankhon se apni chashm-e-aahu ko

Abdul Razzaq Dil Lakhnavi

Be dekhe huye un ko ae Dil! Jab haal hai yeh diwanon ka
Jab saamne woh aa jayenge us waqt ka aalam kya hoga

Dil ki maano to ek kaam karo
Hoke badnaam khub naam karo

Mirza Mohammad Taqi Khan Hawas Lakhnavi

Zabt ka daava tha aakhir hijr mein chilla uthe
Ae Hawas! Kya ho gayi shekhi tumhari in dinon

Dukh pahunche jo kuch tumhari yeh sazaa hai
Kyun us ke Hawas aashiq jaanbaaz huye tum

Nawab Syed Buniyad Hussain Khan Jah Lakhnavi

Dar laga hai na Khuda se koi faryaad kare
Sar jhukaye huye mashahr mein mera qaatil hai

Char aankhen hote hi dil ki khabar dil ko huye
Bezabaanon ne diya jaakar unhe paigham-e-ishq

Syed Hasan Latafat Latafat Lakhnavi

Soorat-e-ashiq agar sakta ho to kalai khule
Dekhne ko hai faqt aaena hairan jhoot sach

Hijaab kaisa Latafat hai deed ka mushtaq
Shab-e-vasl mein to ae sanam naqaab ulta

Aftab-ud-Daula Qalq Lakhnavi

Ae Qalq ho gayi angusht numaye aalam
Chahne waalon mein un ke huye mashoor abas

Ashar sunta hoon Qalq! Aise main rangeen
Kehte hai tabiyat ko mein ahl-e-sukhan shokh

Mir Ausat Ali Rashk Lakhnavi

Lutf peeri mein jawaani ka kahan ae Rashk
Hairat aati hai ke kya ho gaye ham kya hokar

Rashk! Nadaan huye jaate ho dana ho kar
Saamna qatron ka karne lage darya ho kar

Mir Wazir Ali Saba Lakhnavi

Hawa se shab ko rukh se yaar ka uda jo naqaab
To jhilmila gayi kaise sab ek baar chiragh

Faryad buton ki jo Saba hashr ko karte
Allah nhi hota na tarafdaar tumahara

Khushbir Singh Shad Lakhnavi

Saahil pe dekhte hai sabhi ghaur se mujhe
Jis din se ho gaya samandar mere khilaaf

Zara si baat pe aankhen chalakne lagti hai
Zara si baat pe kitna malaak karte ho

Mirza Rajab Ali Beg Suroor Lakhnavi

Saikdon jhoot gaye qaid-e-mohabbat se Suroor
Zulf-e-khubaan ka raha tu hi giraftar hanuz

Jahan phoonkta hai sara ae Suroor dil-hazin dekha
Ajab andaaz se nikli aah-e-atishen-e-dil

Khwaja Mohammad Wazir Wazir Lakhnavi

Dhoondhta hai jis ne usko to paya hain aap mein
Dekho ke qarb bande ko hai kya Khuda ke saath

Tirchi nazron se na dekho aashiq-e-dilgeer ko
Kaise tera andaaz ho, seedha to karo lo teer ko

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: