Ek Badshah aur ek Mufti ke kalam

Maine pichle post mein zikr kiya tha ke kaise use likhne ka khayal guzashta roz maine apne zamaane ki ek picture ka ek yadgaar manzar dekh kar aaya. Is manzar mein us ahed ke behtareen shayar apna ek mashoor kalam pesh karte dikhaye gaye hai…. jabke yeh umda ghazal ke do hi asha’ar istemaal kiye gaye the – shayad waqt ki killat thi. Yeh koi aur nahi lekin Khakani-e-Hind, Malik-e-Shora, Ustaad-e-Shah Sheikh Mohammad Ibrahim Zauq Dehlvi the…..

Berhaal, yeh manzar tha Badshah Salamat ke darbar mein ek mushaira ka jis mein us waqt ke tamaam shora, maslan Chacha Ghalib, Hakim Momin Khan Momin, Mufti Sadruddin Khan Azurda, Lala Balmukand, Nawab Mustafa Khan Shefta aur Ustaad Zauq ka to main zikr kar hi chuka hoon. Inke siva, Badshah, Abu Zafar Sirajuddin Mohammad Bahadur Shah Zafar bhi maujud hai aur unhi ke kalam se silsile ka aaghaz hota hai.

Jaise Badshah tashrif laate hai, ek darbari mulazim ailaan karta hai:  “Hazrin, Diwan-e-Aam ke yeh ghair-tareen mushaira ki ibtida Zille-Subhani ke kalaam e mojiz nizam se ki jaati hai.”

Badshah apni masnad par baith ke apni ghazal apne ek mulazim ko dete hai (Itne mein meri nazar unke rukh pe padhi aur mujhe ehsaas hua ke yeh adakara kuch jaana maana hai…. tasveer ko rok ke main gaur se dekha to pata chala ke yeh to aapne dost, Khansahab Iftekhar sahab hai…. Yeh bahut hi behtareen adakar the jo aksar police officer ka kirdar ya kisi zimmedari ka ohde nibhate huye dikhaye jaate the – aap aise samjhiye ke woh kirdar jis mein main jam sakta hoon aur is liye mere pasandida adakaron ki fehrisht mein hai ). Is kirdar mein unhe dekh kar achcha laga…..

Berhaal, mulazim ghazal tarannum mein sunate hai…. jab ke sirf matla, ek asha’ar aur phir maqta. Yeh the….

Nahi ishq mein is ka to ranj hamen ke qaraar-o-shakeb zara na raha
Gham-e-ishq to apna raqeeb raha, koi aur bala se raha na raha

Na thi haal ki jab hame apni khabar rahe dekhte rahe auron ke aib-o-hunar
Padhi apni buraiyon par jo nazar to nighaah mein koi bura na raha

Zafar aadmi us ko na jaaniyega ho woh kaisa hi sahib-e-fahmo-zaka
Jise aish mein yaad-e-Khuda na rahi, jise taish mein khauf-e-Khuda na raha

Badshah ke baad shamaa Mufti Sadruddin Khan Azurda ke saamne laayi jaati hai… is kirdar mein jo adakar the unhe maine dekhte hi pehchan liya. Yeh the janaab Murad… jo bhi aksar waalid, ‘uncle’, police officer, judge, badshah ya isi qism ke zimmedari waale kirdar mein dekhe jaate the. Inki bhi andaaz-e-bayan bemisaal tha aur yeh bhi meri fehrist mein jagah banaye hai… Azurda ki bhi lajawab ghazal ke do hi asha’ar pesh kiye gaye hai – matla aur ek asha’ar. Yeh the…

Naalon se meri kab tha o balaa jahan nahi
Kab aasman zameen zameen aasman nahi

Kehta hoon munh se kuch main nikalta hai munh se kuch
Kehne ko to yun to hai gi zubaan aur zubaan nahi

Yeh bhi behtareen hai…aur Dabistan-e-Dehli ke buland khayalat ki behtareen misaal. Dono ko sun ke mere man mein khayal aaya ke yeh donon ghazal, mukammal taur se, aap ke nazar karun. Lekin…..

Jaari rahega…… Jald

Advertisements

5 responses to this post.

  1. Posted by Suhel on March 10, 2012 at 08:01

    Ye she’r is tarha hai duruust karke likh rahaa huN,

    Nahi ishq mein is ka to ranj hamen ke qaraar-o-shakeb zara na raha
    Gham-e-ishq to apna rafiiq raha, koi aur bala se raha na raha

    Suhel ‘Ulfat’

    Reply

  2. Posted by mm on September 19, 2012 at 16:46

    Found your blog looking for the ghazal from Bahadur Shah. However, slight correction

    It should not be “Zafar aadmi us ko na jaaniyega ho woh kaisa hi sahib-o-fahmo-zaka” but “Zafar aadmi us ko na jaaniyega ho woh kaisa hi sahib-E-fahm-o-zaka”

    The ‘airaab’ were slightly erroneous. Thanks for the post!

    ps. out of curiosity. U sound like an Indian writing Urdu, the expression is very different than that of native urdu speakers esp from Pak.

    Reply

  3. Posted by Aniruddha on February 21, 2016 at 08:11

    Zafar ka kirdar Iftekhar ne nahin Dehlvi ne nibhaya tha. Ghalib serial mein Iftekhar ka chota sa role hai Umrao Begum ke walid ka.

    Reply

    • Yahan kuch ghalat-fehmi hai… Sudhir Dalvi ne beshak Zafar ka kirdar nibhaya tha lekin “Mirza Ghalib” TV serial mein. Main film ke baat kar raha tha jisme Ghalib ke kirdar mein Bharat Bhushan tha…

      Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: