Mufti sahab ke kalaam ki talaash…aur uska anjaam

Kuch din pehle maine aap ko Mufti Sadruddinn Khan Azurda se vaqif kiya tha… bhale hi unki ek Hindustani film mein kirdar hone ke hawaale se. Unki ek behtareen ghazal bhi aap ke nazar ki thi, lekin ek hi ghazal thi aur zehn mein khayal aaya ke us bemisaal shayar ke aur kalam aapke saamne laane ki khaas zaroorat hai….

Lekin jaise maine aapko kaha tha unke kalam dastyab nahi the… Maine pichle se pichli baar apni Maktaba ke daura mein Khusro sahab ne darkhvast ki ke agar unhe kuch pata hai ke Azurda ke kalam kahan se mil paayenge to batayen, lekin unhe bhi kuch khaas pata nahi tha. Unhen khair ek apne idaare ki hi kitab pesh ki jis mein shayad mile… magar main us din ka sauda kar chuka tha aur phir karna mumkin nahi thi. Maine use agli bar ke liye rehne diya… aur izzat-mab khwation-o-hazrat, ise raah main aage dikkat hoti hai… lekin kabhi kuch aur natija bhi nikal aata hai.

Main jab is hafte wahan pahuncha to meri nazar ek aur kitab pe padhi…. Yeh ek kafi wazni kitab thi jo Darul Musannefin Shibli Academy, Azamgarh ne shaaya ki thi. Yeh thi Dr. Yusuf Hussain Khan ki Urdu Ghazal. Kyunkar waqt ki killat this maine ise sarsari nigah hi di aur fehrist mein shohra ko dekh kar… ek taveel tadad aur un mein se kafi takhallus Lakhnavi ke saath the…. Yeh kitab ziadah mahngi bhi nahi thi aur maine ise beghair kuch aur soche huye haasil kar liya. Yeh to baad main …jab main ghar vapas jaa raha tha maine ise gaur dekha aur bamurad mujhe Chacha aur Hakim sahab ke darmiyan apne Mufti sahab maujud mile….. ghazab baat hai jis picture se woh meri zehn mein aaye the us mein bhi yehi tartib thi.

Bhale is mein chand hi asha’ar mil paaye hai, aap abhi ke liye in se hi lutf uthaye. Main tafteesh mein hoon aur mujhe ummed hai hai Hashmi sahab ki kitab mein ya Saxena babu ki mein mujhe kuch aur milega…. yeh aapke saath bhi baanta jayega… yeh vadaa hai

Is dard-e-judaai se kahi jaan nikal jaaye
Azurda mere haq mein zara yun bhi dua kar

Isi ki si kehne lage ahl-e-hashr
Kahi pursish daad khvahan nahi
Yeh haath ise ke daman talak pahunche kab
Risaai jise ta girebaan nahi
Falak se bhi seekhe hai tere hi taur
Ke apne kiye par pashemaan nahi

Kya jaanu asr dil-e-shola taab mein
Yeh woh hai barq aag lagaye naqab mein
Main aur zauq-e-badah kashile gayin mujhe
Yeh kam nigahen teri bazm sharaab mein
Yaarab yeh kisne chehre se ulta naqaab jo
Sau rakhne ab nikalne lage aftaab mein

Naseh yahan ye fikr hai seene bhi chaak ho
Hai fikr-e-bakhiya tujh ko garebaan ke chak mein

Daman uska to bhala door hai ae dast-e-junoon
Kyun hai bekar girebaan to mera door nahi

Kaamil us firqe zahad se utha na koi
Kuch huye to yehi rindan-kadah khvar huye

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: