Fasana-e-Ajaib: Qist#42: Mehr-Nigar se mulaqat

Ab dastaan ahista-ahista apne anjaam ki taraf badh rahi hai. Dekhen Jaan-e-Alam jab Mehr-Nigar ki madad-imdaad ko pahunchta hai to us par kya guzarti hai……

~~~~ Jaan-e-Alam shahzaadi aur tote ke saath aathve din malika ke paas pahuncha. Jis din se tota ravaana huya tha, Mehr-Nigar roz bila nagha us pedh ke neeche aa ke us ka intezaar karti thi. Us din bhi voh roz ki tarah darakht ke neeche khadi thi, aankhon se ansu jaari the. Achanak tote ne salaam kiya. Malika ne bechain ho ke poocha “Jaldi bata, jinke liye dil betaab hai un ka kahin pata paaya?” Voh bola “Jab pyaaron ki khabar poochte hai to inaam dete hai. Main koi achchi khabar sunaunga to kya inaam paaonga?”

Shahzaadi samajh gayi koi achchi khabar laaya hai magar tota baat ko tol deta tha. Malika bechain huyi jaati thi. Un donon se raha na gaya, apni asli surat mein saamne aamajud huye. Is vaqt teeno ki khushiyon ka koi thikaana na tha. Tota alaag baagh-baagh huya jaata tha. Sab ne apne apne qisse sunaye, khub hanse, khub roye.

Badshah ko khabar huyi ke malika ke paas ek jawaan parizaad aur ek haseena hoor ki surat kahin se aaye hai aur aapas mein hans bol rahe hai. Us ne fauran sawaaron ko hukm diya ke poore baagh ko ghair lo. Raat to isi tarah guzri. Subah ko Jaan-e-Alam Ism-e-Azam padhta huya baagh ke darwaaze pe aaya. Jis ki nazar padhi ism ki barkat se adaab baja laaya. Har ek haath baandh ke saamne aaya aur usne Jaan-e-Alam ki aataiyat qabool ki.

Badshah ne yeh suna ke fauj jawaan se mil gayi to aur bhaari aur ji todh ke ladne waali fauj bheji. Is ka bhi yeh hashr huya. Ab to voh aag bagola ho gaya aur khud takkar lene ko badha. Jo fauj Jaan-e-Alam ki aataiyat qabool kar chuki thi voh Jaan-e-Alam ki taraf se ladi. Kuch sawaar zakhni huye. Badshah ko to jaan se to na maara magar kamand daal ke pakda aur Jaan-e-Alam ke hawaale kar diya.Jaan-e-Alam ne us se kaha “Tum kaise badshah ho, mehman ki khaatir-tavazzo karne ke bajaye us se ladte ho. Khair tumhari saltanat tumhe mubarak ho. Ham to musafir hai aaj nahi to kal chal denge.” Badshah Jaan-e-Alam se yeh alfaaz sun ke sharmindah huya, maafi chaahi aur khub khaatir-daari ki. Kuch din aaram karne ke baad yeh qafilaa vahan se ravaana huya.

Aur yeh qist yahan khatam huyi, izzat-maab khwatin-o-hazraat. Ab ziyadah rah to nahi bachi hai, magar jo faasla hai us mein bhi aapki shirkat ki iltija karta rahunga…..

Advertisements

3 responses to this post.

  1. Posted by sam on March 21, 2013 at 10:30

    u r awesome

    Reply

  2. Posted by hsn on October 8, 2013 at 14:32

    Mujhe qist 43kahan milegi bhai.

    Reply

  3. Posted by hsn on November 1, 2013 at 10:32

    bhai next qist to dalo

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: