Mazraat, aur ek vaadah…..

Jab maine yeh muhim ka aaghaz kiya tha, ek maqsad tha ke aap tak Urdu shayri ke kuch behtareen namoonon se aap sab izzat-maab khwatin-o-hazraat ko vaqif karvayun – aur woh bhi aise andaaz mein ke aap sab, jo Urdu zabaan se mehroom rahe ho, voh bhi samajh jaayen. Is iraade mein kuch to kaam huya hai, lekin kafi arrse se kuch naya nahi aaya hai – jaise aap logon ne khud hi dekha hoga.

Is ki kayi vajeh hai – waqt ki killat to ek ahm mudda hai, lekin is ke alava aur bhi kuch hai. Berhaal, jaane dijiye. Itna hi kehna sahi hai ke mujhe is baat ka ehsaas ho gaya hai, aur aayinda, se khaas dhyan rakhunga.

Isi silsile se mujhe ek khayaal aaya – jo ziyadah naya nahi hai kyunke kaafi der se mere dimagh mein tha – kuch aisi shaksiyatein (aur unke kalaam) aapke saamne laayun jo is duniya ki nazar se hat gaye hai. Aap kisi shakhs se Urdu shayri ka zikr karen, to kaafi laazim ke pehla naam jo unki zehn mein aaye woh hai Ghalib. Aur sahi bhi hai, Chacha Urdu ka jo pakar ban gaye hai. Uske baad unhe ho sakta hai ke Allama Iqbal, Mir, Faiz aur Akbar Allahabadi yaad aaye. Kuch jo taveel umr ke ho woh Firaaq Gorakhpuri, Josh Malihabadi aur Jigar Moradabadi ka zikr karen. Jinhe filmon ka ilm ho woh Sahir Ludhianvi, Shakeel Badayuni aur shayad, Majrooh Sultanpuri ke baare mein suna ho. Kuch jo ghazlen sunne ka shauq rakhte ho, khaas kar Pakistani gulukaron ko, woh Qateel Shifai, Ahmad Faraz aur Nasir Kazmi ko pehchaan le. Kuch shayad apne ilaaqe ke shayaron ke pehchante honge. Aur kuch is daur ke shayar, umoolan Bashir Badr, Wasim Barelvi, Shahryar aur Nida Fazli…. Maane yeh sab shaksiyat apne maqbool hai, lekin is jagmagate kehkashan mein aur bhi taare hai. Meri koshish rahegi ke, jald, se jald, har din main aapko kam se kam ek ya do aise shayar se marasim karvayun jise aam taur pe aapne – agar aap adab ke talib ya ustaad na ho – nahi suna hoga…..

Baraye karam, kuch intezaar kijiye……..

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: