Ek maqbool suragh-rasa ka ek qissa IV

Main aapko maqbool suragh-rasa, Sherlock Holmes, ka ek qissa Urdu zabaan mein pesh kar raha tha. Us maqaam pe pahunche the ke jab Holmes sahab ne ek tareeqe se jawaab de diya tha. Aage padhiye…..

“Aapne to bahut sakht baat kar di, Holmes sahab.”

“Aap khud hi sochiye. Yeh mumkin nahi ke yeh raat mein saade-gyarah ke baad liya gaya ho, kyun ke main samajhta hoon ke Hope sahab aur unki biwi tab se kamre mein the jab tak yeh na pata chala ke dastavez lapata hai. To phir lagta hai, yeh kal shaam saade-saat aur saade-gyarah, jahan tak pehle waqt, mein churaya gaya kyunkar jisne bhi liya jaanta tha voh vahan hai aur jald se jald apne kabu mein lena chahta tha. Ab, janaab, agar itni ahmiyat ka dastavez tab le liya gaya ho, to voh ab kahan hoga. Use isko apne girift mein rakhne se koi faidah nahi hai. Yeh un ke paas pahuncha diya gaya jise chaahiye tha. Ab hamare paas kya charaa ke ise dhoondh paye? Yeh hamari pahunch se bahar hai.”

Wazir-e-Aazam sofa se uthe.

“Jo aap kehte hai Holmes sahab, vajib hai. Mujhe lagte hai ke maamla hamare haath se bahar hai.”

“Sochiye, bahs ke liye, ke yeh dastavez, dono mein se kisi – naukrani ya khidmatgar ne liya ho —“

“Voh dono puraane aur wafadar hai.”

“Aap ke hisaab se aapka kamra doosri mazil par hai, us ka koi bahar se dakhila nahi hai, aur andar se koi us tak bina dekha jaa sakta hai. Zaahir hai, koi jo ghar mein hai, usi ne liya hai. Chor ise kis ke paas le jaayega? Un jasooson ya khufiya numaindon, jinka mujhe pata hai, tak. Teen hai jo is kaam mein sabse aage hai. Main apni tahqeeqat ka aaghaz karunga jaake dekh kar ke voh sab apni jagah hai. Agar un mein se koi lapata hai – khaaskar agar voh kal se raat se ghayab hai – to shayad hame kuch suragh mile ke dastavez kahan gaya.”

“Voh kyun ghayab hoga?” poocha Europaai Maamlat ke Wazir ne. “Voh ye khat yahan London mein sifaratkhaane le gaya hoga.”

“Mere khayal se nahi. Yeh numainde azaad kam karte hai, aur inke sifaratkhanon se taaluqat aksar bigde rehte hai.”

Wazir-e-Aazam ne apni razamandi zaahir ki.

“Mere khayal hai ke aap saheeh kehte hai, Holmes sahab. Itni qimati cheez voh khud aapne haathon se dar-ul-hukumat lekar jaayega. Main sochat hoon ke aap ki raah behtareen hai. Berhaal, Hope, ham apni baaqi zimmedarion ko ek badqismati ke vajeh se nazar-andaaz nahi kar sakte. Agar kuch naya huya, to haam aap ko khabar kar denge, aur beshak, kuch aap pata chalta hai apne tahqiqaat se to aap baraye-karam hamen itlaa kar den.”

Dono siyasat-daan taslim kar ke bahar nikal gaye.

Jaise hi hamare mehman gaye, Holmes ne chupchap apni ‘pipe’ lagayi aur kuch der gehre khayalon mein raha. Maine jab tak subeh ka akhbar khola aur ek sansanikhez jurm, to London mein guzashta raat huya the, ke baare mein padh raha tha jab mere dost ne chillaya, uth kahada huya, aur angithi pe aapni ‘pipe’ rakh di.

“Haan,” usne kaha,“aur koi raasta nahi ha. Maamla pechida hai, par mayooskun nahi. Agar abhi bhi hame pata chal jaaye ke un me se kis ke haath mein hai, mumkin ho sakta hai ke us ke haathon se bahar na gaya ho. Aakhir kar, in sab ke saath paise ka sawaal hai aur mere peeche Britannia ki taksal hai. Agar bazar par hai main khareed loonga – bhale is ka natija ‘income tax’ mein izaafa ho. Ho sakta woh aadmi ise rakhe rahe yeh dekhne ke liye ke is taraf se kya mil sake is pehle doosre taraf qismat aazmaye. Sirf teen hai jo aisa khel khel sakte hai;  yeh hai Oberstein, La Rothiere, and Eduardo Lucas. Main teenon se milonga.”

Maine aapni akhbaar ki taraf jhanka.

“Kya yeh Eduardo Lucas jo Godolphin Street pe rehta hai?”

“Haan.”

“Aap use nahi mil payenge.”

“Kyun nahi?”

“Uska guzashta raat apne ghar mein qatl ho gaya.”

Jaari rahega……

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: