Ek maqbool suragh-rasa ka ek qissa VI

Aur aage mere Sherlock Holmes ke ek qisse ko Urdu mein pesh karne ke mansube mein. Mujhe yeh kehne mein koi hichkichahat nahi hai ke is hissa ka tarjume nihayat pechida tha, lekin bakhuda, kisi tarah mukammal ho gaya. Umeed hai aap sab ko pasand aayega…..

~~ Mrs. Hudson ek mohtarma ka ‘card’ apni tashtari pe le ke aayi. Holmes ne us par ek nazar diya, uske tevar chadhe, aur us ne mujhe dikhaya.

“Lady Hilda Trelawney Hope se poochiye ke voh andar aane ki inayat farmayengi,” usne kaha.

Ek paal mein hamari aam rihaish, subh se waisi karam-farma, ko aur char-chaand lag gaye jab London ki sabse khoobsurat aurat dakhil huyi. Maine Duke of Belminster ki sabse choti beti ke husn ke charche sune hai, lekin koi bayan nahi, aur berang tasveerein mujhe uske nazakat aur rangeen chehre ke baare mein bata sakte the. Lekin jaise hamne us khizan ki subh ko dekha, uska husn hi nahi tha jo pehle jo ham par sar kare. Gaal nihayat khoobsurat lekin jazbat se pheeka;  chashm jagmagate lekinbukhar se;  sensitive munh apne pe qabu rakhne ki koshish se khincha huya. Dahshat-zada – haseen nahi – hamari zehn mein pehle aaye jaise hamne aapne khoobsurat mehman ko darwaze mein khada dekha.

“Mere shauhar yahan aaye hai, Holmes sahab?”

“Ji, mohtarma, voh yahan the.”

“Holmes sahab, main aapse iltija karti hoon ke unhe na baatye ke main yahan aayi thi.” Holmes ne sar jhukaya, aur ek kuri ki taraf ishara kiya.

“Mohtarma, aap mujhe ek naazuk maqaam mein rakhti hai. Mere darkhwast hai ek aap baithe aur mujhe bataye ke aap ki kya mansha hai; lekin mujhe afsos hai ke main koi vaadah karne ki haisiyat mein nahi hoon.”

Voh kamre bahr se guzri aur aisi jagah baithi ke khidki uske peeche thi. Us ka andaaz malikaana tha – nafees aur nihayat zanaana.

“Holmes sahab,” usne kaha, aur uske safed dastane-dhake haath ki muthhi bati rahi aur khulti rahi – “Main aapse khul ke baat karungi is umeed mein ke aap mere se khul ke baat kare. Mere aur mere shauhar mein pura ittefaq hai aur koi raaz nahi, sivaye iske ek ke. Yeh unke siyasi masle hai. Is par unke hoth sile hai. Voh mujhe kuch nahi baatate hai. Aap mujhe pata ke hamare ghar mein guzashta shab ek haadsa huya. Mujhe pata hai ke ek dastavez gayab huya hai. Lekin kyun ke maamla siyasi hai, mere shauhar mujhe aapna raazdan nahi banate. Ab yeh zaroori hai – bahut zaroori – ke main puri baat samjhun. Aap sirf voh doosre aadmi hai, siyasatdanon ko chorh kar, jo saari baat jaante hai. Main aapse iltija karti hoon, Holmes sahab, ke aap bataye ke saliya mein kya huya hai aur iske kya nateeje honge. Mujhe sab kuch bataiye, Holmes sahab. Aap aapne moakil ke nafa mahfooz rakhne ke liye chup na rahe, kyunkar main aapko yaqeen dilati hoon ke agar, voh ye jaan sakte, to khud pehchante ke unka faidah isi mein ke mujhse pura ittefaq rakhe aur khulaasa kar de. Yeh kya dastavez tha jo chaori huya?”

“Mohtarma, aap jo mujh se chahti hai vo na-mumkin hai.”

Usne aah bhari aur aap na chehra haathon se dhak liya.

“Aap khud hi samjhiye, mohtarma. Agar aap ke shahuhar yeh maamla aap se raaz rakhna theek samajhte hai, to kya mere liye, jisne khud saari baat apne peshe ke sab baat khufiya rakhne ke vaadah ke binah par jaani hai, aapko baata doon. Yeh puchna saheeh nahi hai. Aapko un se puchna chahiye.”

“Main un se poocha hai. Main aapke paas aakhri umeed lekar aayi hoon. Lekin kuch khaas bataye bina, Holmes sahab, aap mujhe par bada ehsan karenge agar ek baat bata den.”

“Yeh kya hai, mohtarma?”

“Kya is se mere shauhar ke siyasi zindagi par asar padhega?”

“Ji, mohtarma, agar ise theek na kiya gaya, to asar achcha nahi hoga.”

“Aah!” Usne saans bhari is andaaz mein ke jaise aakhri shaq bhi saheeh paaye gaye hai.

“Ek aur sawaal, Holmes sahab. Ek jumla jo mere shauhar ne is haadse ke ilm hote hi istemaal kiya tha us se lagta hai ke is dastavez ke gayab hone se awaam be liye khaufnaak natije honge.”

“Agar unhone ne aisa kaha hai, to main mana nahi kar sakta hoon.”

“Yeh kis tareeqe ke anjaam honge?”

“Nahi, mohtarma, aap phir aise sawaal akr rahi hai jiska jawaab dena mere liye mumkin nahi hai.”

“Phir main aapka aur waqt nahi loongi. Mujhe aapse, Holmes sahab, koi shikayat nahi hai ke aapne khul ke mere se baat nahi ki, aur apni taraaf ne mera bura nahi samjhenge kyunkar meri koshish hai, unki marzi ke khilaaf, apne shauhar ki pareshanian halki karna chahti hoon. Ek baar phir main aapse iltija karungi ke aap mere yahan aane ke baare mein kuch nahi kahenge.” Darwaaze se usne hamari taraf ek baar aur dekha, aur mujhe us haseen lekin khaufzada rukh, voh pareshan chashm, aur khinche munh ka aakhri ehsaas huya. Phir woh vhali gayi thi.

Jaari rahega…

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: