Ek maqbool suragh-rasa ka ek qissa VII

Ek aur silsile Sherlock Holmes ke qisse ke tarjume mein…..

~~ “Ab, Watson, aurat zat to tumhara shauba hai,” Holmes, ne muskurate huye kaha, jab uski aahat bahar ke darwaza ke band karne se khatam huyi. “Is haseena ka kya maqsad tha? Yeh kya chaahti thi?”

“Zahir hai, uska apna bayaan saaf hai aur uski ghabrahat samajh aati.”

“Ama nahi! Uski haalat yaad karo – uska tareeqa, woh dabe jazba, uski bechaini, lagatar sawaal karte rehna. Yaad rakho voh us zaat se hai jo asaani se jazbaat zaahir nahi hone dete hain.”

“Haan, voh jazbaati to thi.”

“Yaad hai hai ke kis andaaz se us ne hame yaqeen dilane ki koshish kari ke uske shauhar ke behtari is mein hi hain ke use sab qissa ke baare mein pata chale. Us se uska kya matlab tha? Aur, Watson, tumne dekha ke woh us tarah baithi ke roshni uske peeche se aahe. Voh nahi chahti thi ke ham uska chehra padh sake.”

“Haan, usne kamre ki ek kursi chuni.”

“Aur aurat-zaat ke iraade to samajh ke bahar hai. Tumhe woh Margate waali aurat ka qissa yaad hai jis pe mujhe isi vajah se shak huya tha. Naak par powder nahi tha — aur usi se asli baat bahar nikli. Is ret par kaise koi kuch banaye? Unki choti si choti baat mein bada raaz ho sakta hai, aor sabse ajeeb-o-gharib vaqia ek ek ‘hairpin’ ya ‘curling-tong’ se juda huya ho. Khuda Hafiz, Watson

“Aap bahar ja rahe hai?”

“Ji, abhi ka waqt to main apne police ke doston ke saath Godolphin Street par hi bitaunga. Eduardo Lucas ke saath hi hamaare masaail ka haal hai, jabke mujhe iska koi imkan nahi ke yeh kya shakal lega. Yek ek badi ghalti hai ke haqiqat bina jaane nazariya banana. Jame raho, Watson, aur koi aur mehman aaye to khaatir karna. Lunch par milenge agar mere liye mumkin huya.”

Woh din, aur agle din aur uske agle Holmes ek aise mizaaj mein tha jo uske dost kam -go qaraar denge, aur baqi kahenge maayus. Voh aata-jaata raha, be-inteha tambaku-noshi karta raha, ‘violin’ par kuch saaz chedhe, khayalon mein dooba raha, ajeeb vaqt par khaana khaya, aur mere sawaalon ka jawaab bhi na diya. Zahir tha ke uski muhim mein safalta nahi mil rahi thi. Voh kuch na bolta, aur yeh akhbaron se mujhe is maut ki tafteesh ke baare mein pata chala ke, aur marre huye shakhs ke khidmatgar John Mitton ke giraftari aur rihaai. Tafteeshi adalat ne “Qatal” ka natija sunaya, lekin qaatilon ka koi pata nahi tha. Koi maqsad bhi nahi saamne aaya. Kamra qimati cheezon se bhara huya tha, lekin kuch bhi wahan se ghayab nahi tha. Marne waale ke kaghzat chedhe nahi gaye the. Unki bhi tafteesh huyi aur pata chala ke voh bainulawami siyasat par nazar rakhta tha, ek nihayat afwaah-baaz, ek badhiya guftaar aur khat likhne ka shauqeen. Uske kaafi mulkon ke siyasatdaanon se gehre taaluq the. Lekin dastavez mein se kuck sansani-khez nahi baramad huya. Jahan tak auraton se rishton ka sawaal tha, voh kafi the lekin gehre nahi. Uske jaane waalon bahut the, lekin un mein dost kam hi the. Uski adaatein baqaida thi aur uska chalan be-azaar. Uski maut ek raaz tha aur mumkin tha ke aise hi rahe.

Jahan tak khidmatgar, John Milton, ki giraftaari ka sawaal tha, yeh zahir tha ke yeh kahilta ke ilzaam se bachne ki koshish thi. Lekin uske khilaaf koi saboot na tha. Voh apne kuch doston se milne Hammersmith gaya tha. Uski uzr ghair-maujudgi mukammal thi. Yeh sahi hai ke woh wapas aise waqt niklaa tha jis se use Westminister makaan qatl ke pata chalne ke pehle aa jaana chahiye tha, lekin uski apni gawaahi ke voh kuch raasta paidal aaya tha yaqeen kar li gayi, mausam ke madde nazar. Voh aakhir baarah baje pahuncha, aur haadse se jazbaato paya gaya. Us ke apne maalik se hamesha achche taaluqaat the. Uska maalik ka kuch samaan – jaise ustre – uske paas paaye gaye, lekin usne kaha ke yeh maalik se tohfe the, aur ghar ki naukrani ne bhi is baat ke tasdeeq ki. Mitton ne Lucas ke liye teen saal kaam kiya tha. Yeh paaya gaya ke Lucas Mitton ko apne saath Europe nahi le kar jaata tha. Kabhi voh Paris mein teen mahine bitaata, lekin Mitton ko Godolphin Street makaan ki nigraani ke liye chorh jaata. Naukrani ne us raat kuch nahi suna tha. Agar uske maalik ka koi mehmaan aaya tha, to usne khud hi daakhil kiya tha.

To teen din tak yeh raaz bana raha, jahan tak main ise akhbaaron mein dekhta tha. Agar Holmes kuch aaur jaanta tha, to usne apne tak rakha, lekin usne mujhe bataya ke Inspector Lestrade ne har nayi cheez ke baare mein bataya. Chauthe din, Paris se ek lamba taar aaya, jisne aakhir raaz ka khulaasa kar diya….

Jaari rahega……

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: