‘Shefta’ se ek mulaqaat, muktsar hi sahi….

Jaise maine kya martaba kaha hai,  ek buniyadi maqsad mere yahan hai ke aap sabizzat-maab khwatin-o-hazraat ko Urdu adab, khaaskar shayari, ke kahkashan ke mukhtalif sitaaron se- kuch jaane-maane aur kuch jin ka zikr adbi halqon ke bahar hota hi nahi hai….. Afsos!

Is ki kayi wajah hai. Agar ham aaj ki nasl ka ilm ki jaanib rukh ko kuch waqt ke liye nazarandaaz kar den (jab ke aisa karna na hi mumkin hai, aur na hi zameer ke saath insaaf rakhna), to yeh maan sakte hai ke inke diwan aur kalam asaani se  dastyaab nahi hote, ya yeh aise hai ahd ke the ke jab inke ham-umron ne awaami zehn pe qabzaa jamaye rakha.

Aise mein shumar hoti hai, Nawab Mustafa Khan Shefta ki…… Yeh aise ahd ke the jis mein mashoor shayron ki koi kami nahi thi. Aap khud hi dekhiye – Chacha Ghalib, Hakim Momin Khan Momin,  Badshah salamat Bahadur Shah Zafar, unke qabil ustaad Sheikh Mohammad Ibrahim Zauq – aur sab is maqaam ke kisi aur sukhanvar ko apne noor se zahir hi na hone de……

Berhaal, Shefta (1804-69), jo Ghalib ke khaas dost the, ne koshish zaroor ki. Ek diwan se saath, unka ek tazkira bhi hai, jo kafi saraha jaata hai….

Chaliye aapko Nawab sahab ke kalam se ta’aruf karvaya jaaye.

Lutf lijiye, main aapka waqt aur nahi loonga sirf ek hidayat doon ga ke jab aap yeh asha’ar padhe, to zehn mein Shefta ke ahd aur ka pasmanazar apne saamne rakhe….

Ahl-e-zamana dekhte hai aib hi ko bas
Kya faidah jo Shefta arz-e-hunar karen

Chiragh vaqif mohabbat ne kar diya afsos
Ke mujh ko apne paraye sabhi jalaate hai

Mat cherh ke yaar se juda hoon
Ae Marg! Main aap mar raha hoon

Bose kiye qabool to ginti bhi chorh do
Aesa na ho kahin pade jhagra hissab ka

Ek din shaam hamari bhi sehr kar dega
Vahi jo sham ko har roz sehr karta hai

Ae jaan lab pe aa ke theharne se faidah
Rahna huya to rah gaye, chalna huya chale

Ishq mein saari khubiyan hai jamaa
Ek magar jaan ka zarrar kuch hai

Be azr voh kar lete hai vadaah yeh samajh kar
Yeh ahl-e-marwat hai taqaaza na karenge

Fasane apni mohabbat ke sach hai par kuch kuch
Badha bhi dete hai ham zeb dastaan ke liye

Kya kahun ahbab ki ahn dili
Paaon mein faulad ki zanjeer hai

Shefta ke aur kalam aapko jald yahan milenge…..

Advertisements

One response to this post.

  1. Posted by parag Agrawal on April 27, 2012 at 04:54

    Aapse baat karne ka mushtaq hooN
    aapka no. mil sakta hai ?

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: