Urdu Zabaan ka Shikwa – Allama Iqbal ke andaaz mein

Allama Iqbal sahab ki “Shikwa-e-Jawab-e-Shikwa”  adab mein ek apna khaas maqaam to rakhti hai, lekin is ke ahmiyat aur qabiliyat ka is se bhi andaza lagaya ja sakta hai is ka kitne logon ne iske wazan ka istemaal kiya hai aapne tanz-o-mizaah ke behtareen kalaamon mein – Shakkar khawari ki dikkat se  ‘teacher’ ki durgati tak aur kaafi saare aur.

Magar meri samaj se in mein se sabse ahm yeh ek nafis zabaan ki pukaar hai. Yeh janaab Syed Mehmood Khundmiri, takhallus Talib (Feb 14, 1938-Jan 16,2011), ki hai. Aapke aur iske beech mein aur nahi aaonga, lekin itna aur kehna zaroori hai, ke Talib Khundmiri sahab Hyderabad (Dakkan) ke bashinde the aur Urdu tanz-o-mizah mein apna maqaam mahfuz kar chuke hai.  Peshe se ma’maar (architect) the, lekin pathar aur lohe imaaraton ke saath kayi lafzon ki bhi buland imaratein chorh kar gaye hai.

Lijiye, Urdu ka shikwa…..

Kyun ziya kar banu, natq faramosh rahun
Fikr-e-farda na karun, ghafil behosh rahun
Taane apno ke sunun aur hamatun gosh rahun
Koi paidaishi goongi hoon ke khamosh rahun.
Jurat amoz meri tabe-sukhan hai mujhko
Shikwah tujh se hi bahut khak-e-Vatan se mujhko

Hai bajaye-shauba-e-taalim mein mashoor hoon main
Phir bhi skoolon se collegeon se bahut door hoon main
Ab makaanon se dukaanon se bhi kafur hoon main
Ek zindan-e-siyasat hi mein mahsoor hoon main
Ae Vatan meri tabaahi ki katah bhi sun le
Ek majboor se thoda sa gila bhi sun le

Teri tehzeeb-o-tamaddun mein zamaane se azeem
Teri dharti pe hai kab se kayi aqwaam muqeem
Yun to maujud yahan kitni zabaane thi qadeem
Mujh se paida huya logon mein magar zauq-e-saleem
Mujh se bas ahl-e-taassub ko pareshani thi
Varna duniya mere usloob ki deewani thi

Mujh se pehle tha ajab teri zabaanon ka asar
Kahin izhaar ke pathar kahin lehje kankar
Kahin alfaaz pe ruk jaati thi langda ke nazar
Sikhta phir koi maazor zabanen kyunkar
Aake maine hi taghazzul se bhara jaam tera
Maine phoolon ki zabaanon se liya naam tera

Mehfil-e-khurd-o-kalan mein sift-e-jaam phire
Le ke asaan qawaid sehr-o-shaam phire
Lakhnau, Dilli, Punjab ta Assam phire
Kya apne kaam se apne kahin nakaam phire
Shahr to shahr hai qariye bhi na chodhe hamne
Door dehaat mein daudha diye ghode apne

Fitna-parvaaz yeh kehte hai ghazal-khwaan gaye
Tanz karta hai ke Urdu ke nigehbaan gaye
Mir-o-Ghalib se sukhnawar bhi pareshan gaye
Apne baghalon mein dabaye huye diwan gaye
In taano ka bhi ehsaas tujhe hai ke nahi
In buzurgon ka bhi kuch yaas tujhe hai ke nahi

Rekhti Mir ki aur Fair ki Urdu bhi wahi
Mere tevar bhi wahi, husn ka jaadu bhi wahi
Ae mere pyaare Vatan main bhi wahi tu bhi wahi
Teri mitti ki tere ruh mein khushbu bhi wahi
Phir yeh bezaargi yeh chashm-e-ghazab kya maani
Mujh se ghairon ka sa bartau yeh ab kya maani

Main to paida huyi Bharat mein mohabbat ke liye
Sab barat te hai magar apni zaroorat ke liye
Mohra khaas hoon arbaab-e-siyasat ke liye
Narah-e-zud asar hoon mein hukumat ke liye
Jab bhi aata hai election to main yaad aati hoon
Varna phir sab ke dimaghon se nikal jaati hoon

Sarparasti rahi netaon ki manind-e-sharab
Mujh pe toota hai bahut inki inayat ka azaab
In ke helon ki koi had na bahanon ka hisaab
Main ne dekhe hai bahut in ke dikhaye huye khwaab
Fitratan inki tabiyat mein adakari hai
In ke vaadeh se bahalna meri bimaari hai

Ek zamane se jinhen ghaas na daali duniya
Kar rahi hai inhe kehjon ki jugaali duniya
Har taraf aur zabanon ne sambhali duniya
Rah gayi sirf mere liye khayali duniya
Ae Vatan mera thikana bhi kahi hai ke nahi
Teri vasiyat mein koi meri zameen hai ke nahi…..

Advertisements

4 responses to this post.

  1. Kya kahne! Aap ke pesh karne ka andaaz bahut hi bha gaya; aur Talib sahab ka qalaam sochne pe majboor kar dene wala hai..

    Reply

  2. Posted by ZAFAR AHMED on June 3, 2012 at 22:53

    VERY NICE POETRY

    Reply

  3. Teri nafraton ko main pyar ki khushboo bana doo
    Agar tum kaho to mai tujhe Urdu sikha doon

    Reply

  4. Posted by azam yaseen on November 30, 2012 at 00:34

    i like alama iqbal,s poetry this is my number plz all of u send me alama iqbal,s poetry plz thanx 03363316592

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: