“Zamane ki raftar se bekhabar…” Asar Lakhnavi se phir se mulaqat

Yeh zaahir hai ke koi bhi adeeb apne vaqt ke halaat se mutaasir zaroor hota hai, aur inki aks uske kalam mein kisi na kisi tareeqe se nazaar aati hai.  Kuch aise hote hai jo aas-paas aur us waqt ke halaat par hi apna tawajju dete hai, jab ke aise bhi shakhs hote hai jinhe aisa karne ka iraada bhi na ho, lekin unke hosh aur zehn ke kai benishan jazire mein yeh jazbat base rehte hai aur apne se nikal kar unke fan mein aa jaate hai….

Aur doosre taraf aise hote hai jinhe aapne halaat ki koi parva hi nahi rehti hai…… Is shumar mein ahm maqaam rakhte hai Nawab Jafar Ali Khan Asar Lakhnavi.

Zamaane ki raftar se bekhabar hai
Yeh Nawab Jafar Ali Khan Asar hai …….

Majaz ne inke baare mein apne mjukhtalif andaaz mein unke baare mein farmaya tha, aur kafi saheeh the. Nawab sahab ke baare mein kaha gaya hai ke “Shayri mein zamane ke inquilab ki dhamak nahi balke qadeem rang mein kuch taazgi paida ki gayi hai”. Berhaal, hazraat qabil aadmi zaroor the, aur apne ahd ke Lakhnau mein mukammal tarjuman maane jaate the. Unka “Bhagwat Gita” ka tarjuma aali darje ka maana jaata hai.

Asar Lakhnavi sahab ke baare mein aur jald hi aap ke nazar karunga, abhi ke liye aap unke kuch mukhtalif asha’aron ka lutf uthayen…..

Ham ne ro ro ke raat kaati hai
Ansuon mein yeh rang tab aaya

Kuch roz yeh bhi rang raha intezaar ka
Ankh uth gayi jidhar bas udhar dekhte rahe

Soorat-e-mauj ho sar garam safar
Saahil aa jaye to katra hai guzar

Yadi dil gham-gushtaa mein thandi aahen bharta tha
Hans ke sitamgar kahta kya hai baat hi kya hai jaane do

Afsana keh rahi hai pareshan nigaahen
Kya raaz hai jo dil mein chupaye huye ho tum

Lut raha hai chaman aur aah nahi kar sakte
Phir ghalat kya hai jo ham sa koi majboor nahi

Huya to hashr ke din un ka saamna lekin
Hujoom aam mein kya arz mad’a karte

Kuch der fikr aalam balaa ki chorh de
Is anjuman ka raaz isi anjuman mein hai

‘Asar’ ko voh khanjar se dhamka rahe hai
Vahi apne saaye se dar jaane waala

Samaan-e-sadhazaar tamaasha thi bekhudi
Aankhen thi band aur ‘Asar’ dekhte rahe

Dil ko ‘Asar’ ke lut liya shokh nigaah ik kaafir ne
Koi na is ko rone se roko aag lagi hai bujhaane do

Ek qimti baat…..

Tum ko hai fikr tan aasani ‘Asar’
Zindagi qurbaaniyon ka naam hai

Aur ek qimti baat…. laazim hai ke aapne kisi na kisi andaaz mein kahin na kahin suni hogi. Misra-e-saani par tawajju chahunga….

Voh jald jald badalta huya zamaana hai
Ke aaj hai jo haqiqat voh kal afsana hai

Advertisements

2 responses to this post.

  1. Posted by syed mohammad ali on January 24, 2013 at 08:09

    khushi hoti hain dekh k humarey dada ko abhi bhi log yaad rakhtey hain.

    Reply

  2. Reblogged this on Lifedia.

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: