Kuch asha’ar ek hi harf se #2: Be

Is naye ijaadmein mera maqsad hai ke aapki ta’aruf Urdu adab-o-shayri ke kehkashaan ke mukhtalif taaron se karvaun – sirf voh nahi jo sab se ziadah chamakte hai magar woh bhi jo waqt aur faasle mein door hoon ya in badhe naamon ki roshni mein kuch dhak se gaye hon… jab ke apne ahd mein kafiyon ka muqabla hi nahi tha. Khair main is mein ek baare mein abhi kafi mukktsar hi khabar doonga. Is ki do wajeh hai – ek to aap ke aur asha’ar ke beech mein nahi aana chahta hoon, aur doosra hain ke mere maanna hai ke in sab ke baare mein kuch tafseel se jaane ki zaroorat hai – aur jo aapko bahut jald yahan dikhega, Insh’Allah….

To aapki ijazat se doosra qist pesh karta hoon main. Is ke liye woh harf  ko chuna hain maine jo dono Urdu aur Anngrezi mein doosra aata hai, aur mere Ustaad ke ism-e-shareef ka aghaz karta hai…..

Valiuddin Shafeeq Jaunpuri se shuru kiya jaaye…..

Badgumani hai Shafeeq! Aap ko maiy noshon se
Chand rindon se mila doon to chale jaiyega

Is ke baad Dehli ke ek qadeem shayar – Pandit Kailas Narayan Kaul Bedil Dehlvi

Bedil!Jo chashm-e-hosh pe parda padha nahi
Dushvar kyon samajhte ho deedar-e-yaar ka

Janaab Imdad Parvaz Parvaz

Badh gayi aur bhi deewangi ab to Parvaz
Haath jata hai mere chak-e-gareban ke qareeb

Ek aur Dehli-waale, Dr Fazle Elahi Makhmoor Dehlvi ka behtareen asha’ar jo Urdu shayri ke ek buniyadi alamat ko aapke saamne laata hai

Baat to jab hai junoon-e-ishq mein dil chaak ho
Chak daman to liye phirte hai deewaane bahut

Ek purani shikayat Qazi Riyasat Hussain Fikr Bijnori se

Besabab ruth ke kehte hai manao mujh ko
Kitna pur lutf hai ae Fikr! mizaaj-e-mehboob

Ek aur khaas shayar jo aapne baad ke ham-takhallus se kuch dhak gaye hai: Mir Mehdi Majrooh

Bichchi hain raah mein mushtaqon ki aankhen
Sambhal kar jaao uske astaan tak

Kuch Dehliwaale……

Hakim Agha Khan Aish Dehlvi

Bas is liye tumhen bheja tha likh ke han kaghaz
Ke mera haal kare tum se kuch bayan kaghaz

Inamallah Khan Yaqeen Dehlvi

Bahaar aakhir huyi hai ab to seene de gareban ko
Yaqeen! Karta hai koi is qadr deewanapan bas kar

Hakim Abdul Ahd Ahd Mirzapuri 

Bazm-e-jahan mein yeh rukh-e-roshan se hai farogh
Roshan ho jis tarah se koi anjuman mein shamaa

Ek aur khaas shayar Avadh ke, jo zindagi bhar sharab ke baare mein likhte rahe lekin kabhi bhi ek boondh lab ke paar nahi gayi… Janaab Munshi Syed Riazuddin Riaz Khairabadi

Bahut hai khum ko apne jaam par naaz
Zara lana mera toota huya dil

Bismil Dehlvi ek aisi baat ka izhaar karte jis se ham jaise bahut se kaahil ittefaq rakhenge…..

Uth jaayenge subah-e-hashr ko
Ab to chadar tan kar sote hain ham

Raghupathy Sahai Firaaq Gorakhpuri ke baare mein kya kehna?

Baithe baithe mujhe kya yaad aaya
Kha gaya tujhe bulaane ki qasam

Lakhnau ek aur khaas shayar…. Mirza Mohammad Taqi Khan Hawas Lakhnavi

Bewafa se mere rakhta hai yeh umeed wafa
Ae Hawas! Dil ki zara to mere naadani dekh

Ek aur…. Aftaab-ud-Daula Qalq Lakhnavi

Baqi hai ishq-e-rafta ka peeri mein fishan
Dagh-e-dil-o-jigar hain Qalq! Naqsh-e-gam shauq

Aur ek khaas naam… Mirza Mohammad Rafi Sauda Lakhnavi

Bulbul na chaman hai gul-e-gulzar ka aashiq
Jo gul hai so tere gul-e-rukhsar ka aashiq

Ek aur jinhe koi ta’aruf ki zaroorat nahi…. Nawab Mirza Khan Dagh Dehlvi

Baithe bitaye aaye jo shamat to kya ilaaj
Dil ne kaha ke aao chalen yaar ki taraf

Syed Parvarish Ali Sakhi, maqaam Katra (Allahabad)

But mein lipat jaayen haar, baagh jale Khaleel ka
Dekho naya yeh maajra, sang mein gul chaman mein aag

Umm Mushtaq (Badi Begum) Parveen, maqaam Jaipur

Bahkun agar main bazm mein, saqi maaf rakh
Kuch to karun main badah-e-gulfaam ka lihaz

Aur yeh qist ko khatam karne liye Dabistan-e-Lakhnau ke buniyaadi shairon mein se wazni naam se aur behtar kaun:

Sheikh Imam Baksh Nasikh Lakhnavi

Bur parasti mein hai Nasikh haq parasti ka khayal
Dekhte hai har sanam mein ham khuda ke noor ko

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: