Ek maqbool suragh-rasa ka ek qissa XIII

Aur yeh Holmes sahab ke is qisse ka aakhri qist, jis mein voh tamam shud apne mukhtalif andaaz mein karte hai… magar use se pehle wazir-e-azam apne unche maqaam par hone ki qabiliyat ka khub saboot deta hai…. Mujhe isi vajeh se yeh qissa kuch khaas pasand hai. Umeed hai aap sab izzat-maab khwatin-o-hazrat ko mere tarjume ki koshish pasand aayi. Bahut jald main ek aur karunga…. Lekin, pehle yeh qissa…

~~~~ Europaai maamlat ke wazir kamre mein josh se aaye.

“Koi khabar, Holmes sahab, koi khabar?” voh bole.

“Mujhe kuch umeed hai.”

“Ah, khuda ka shukr hai!” Uska chehra khil utha. “Wazir-e-Azam aaj mere mehmaan hai dophar ke khaane par. Voh aapke umeed mein shareek ho sakte hai? Unke jazbat fauladi hai, magar main jaanta hoon ke unki neend udh gayi jab se yeh hadsaa huya. Jacobs, aap Wazir-e-Azam ko yahan aane ko kahenge? Jahan tak aapki baat hai, janaam, yeh siyasat ka maamla hai. Ham aapko kuch der mein khaane-waale kamre mein milenge.”

Wazir-e-Azam ka bartao daba huya tha, lekin unke aankho ki chamak se aur unke haathon ki jumbish se saaf zaahir tha ke unhe bhi apne jawaan saathi ke josh mein shirkat kar rahe the.

“Main maan sakta hoon ke aapko kuch hamen baatana hai, Holmes sahab?”

“Poore taur bhi maanfi,” mere dost ne jawaab diya. “Maine har mumkin jagah jahan uske hona ka imkaan hai par pata kiya hai, aur mujhe yaqeen hai ke koi darne ki baat nahi hai.”

“Lekin yeh kaafi nahi hai, Holmes sahab. Ham hamesha aise atish-fishaan par to padao nahi daal sakte hai. Hamen kuch pukhta saboot chahiye.”

 “Mujhe use haasil karne ki umeed hai. Tabhi main yahan maujud hoon. Jitne is maamle ke baare mein main sochta hoon utna hi yaqeen hota hai mujhe ke voh khat is ghar ke bahar gaya hi nahi.”

“Holmes sahab!”

“Agar gaya hota to ab tak sab us ke baare mein jaante hote.”

“Lekin koi use lekar hi kyun jaayega apne ghar mein rakhne ke liye?”

“Mujhe yaqeen nahi hai ke ise kisi ne liya hai.”

“Phir woh daftari-dabbe se bahar kaise hai?”

“Mujhe yaqeen nahi hai ke voh daftari dabbe se bahar gaya hai.”

“Holmes sahab, yeh mazaaq ek dam be-mauqa hai. Aapko main yaqeen se keh sakta hoon ke voh dabbe se bahar gaya hai.”

“Apne dabbe ko mangalvar ki subah ke baad dekha?”

“Nahi; iski koi zaroorat nahi thi.”

“Aapne ho sakta hai ise nazarandaz kar diya ho.”

“Namumkin, main kehta hoon.”

“Magar mujhe yaqeen nahi hai; Maine aise baaton ke hone ka suna hai. Ghaliban us mein aur kaghzat the. Voh un mein mila gaya ho sakta hai.”

“Voh upar hi tha.”

“Kisi ne dabba hilakar uski jagah badal di hogi.”

“Nahi, nahi; maine sab cheezon ko bahar nikala tha.”

“Iska asaani se faisla ho sakta hai, Hope,” Wazir-e-Azam ne kaha. “Voh daftar-dibba yahan mangva lo.”

Wazir ne ghanti bajayi.

“Jacobs, mera daftari-dabba yahan lekar aayo. Yeh ek fazul vaqt zaaya karne ka tareeqa hai, magar tab bhi, aap ko isse se hi yaqeen aaye, to yeh hi kiya jaayega. Shukriya, Jacobs; yahaan rakh do. Chaabi hamesha meri ghadi ki zanjeer par hai. Yeh hain kaghzat, aap dekhen. Lord Merrow se khat, Sir Charles Hardy ki report, Belgrade se khat, Rusi-Almani anaj lagan par khat, Madrid se khat, Lord Flowers se khat — Mere khuda! yeh kya hai? Lord Bellinger! Lord Bellinger!”

Wazir-e-Azam ne uske haath ne voh aasmani rang ka lifafa cheen liya.

“Haan, yehi hai — aur khat waise ka waisa hi hai. Hope, meri mubarakbaad.”

“Shukriya! Shukriya! Ek boj utar aaya hai mere dil se. Lekin yeh to samajh ke bahar hai — na-mumkin. Holmes sahab, aap to saahir hai, ek jaadugar hai! Aapko kaise pata tha ke voh vahan hai?”

“Kyunkar mujhe pata ke aur kahi nahi ho sakta hai.”

“Mujhe apni ankhon par yaqeen nahi hai!” Voh kas ke darvaaze ki taraf dauda. “Meri biwi kahan hai? Mujhe use batana hai ke sab theek hai. Hilda! Hilda!” hamen uski awaaz zeene se aayi

Wazir-e-Azaam ne Holmes ko apni chamakti huyi aankhon se dekha.

“Nahi, janaab,” said he. “Is mein jo zahir hai us se ziadah huya hai. Voh khat dabbe mein vapas kaise lauta?”

Holmes muskurate huye un zabardast aankhon ki tafteesh se palta.

“Hamare paas bhi kuch apne khufiya raaz hai,” usne kaha, aur apni topi utha kar darvaza ki jaanib muda.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: