Jigar ka ek sher jo dialogue ban gaya

Ajab baat ke kaise koi jumla, koi misra, koi sher bhi aapne asli maqaam se kisi aur hawaale se ziadah maqbooliyat haasil kar leta hai aur uski qadeem maqaam logon ke zehn se gayab hi ho jaata hai.

Ham ko mita sake ye zamaane mein dam nahi/Ham se zamana khud hai zamaane se ham nahi …… misaal ke taur par Jigar ki ek ghazal ka maqta lijiye, jo asha’ar se ziadah ek dialogue samjha jaata hai…. kisi ko – aakhir kar mein halqe mein – ilm hi nahi hai ke yeh ek behad qimti aur nafis ghazal ka aaghaz hai….

Haqiqat to yeh hai ke mujhe ilm na tha jab tak kai saal pehle ek itwaar ki dopahr par maine Begum Akhtar sahiba ki ruhani awaaz mein yeh ghazal suni. Ittefaq ki baat ke kuch din pehle yeh achanak mere zehn mein laut aayi, aur maine iraada banaya ke main ise aage laayun… Aap mein se jo izzat-mab khawatin-o-hazrat is baat se vaaqif hai voh sirf is ghazal ko padhe aur sarahen, aur jo nahi jaante the, umeed hai aapko yeh dilchasp maalum hogi

Ali Sikandar Jigar Moradabadi apne ahd ke ek bahut khaas shair the aur awaam mein kafi pasand aur pehchaane huye . Inki haisiyat ka aap is baat se andaaza lagayen ke jab Hindustani film “Pyaasa” mein ek manzar tha mushaira ka…. hmmm, mushaira to nahi,  ek shairaana baithak kah lijiye, to us mein do shayar apna kalam padhte dikhaye gaye – dono naam se mukhatib nahi huye lekin unke kalam aur paikar se pehchana jaa sakta tha…. Jigar aur Majaaz Lakhnavi…

Berhaal, main mudde par vapas aata hoon, aur kisi aur baat ke bina yeh qimti ghazal aapke nazar ki jaye……

 Ham ko mita sake ye zamaane mein dam nahi
Ham se zamana khud hai zamaane se ham nahi

Befaayada alam nahi bekaar gam nahi
Taufiq de Khuda to ye nemat bhi kam nahi

Meri zubaan pe shikwa-e-ahl-e-sitam nahi
Mujh ko jaga diya yahi ehsaan kam nahi

Ya Rab! Hujuum-e-dard ko de aur vusaten
Daaman to kya abhi meri aankhen bhi nam nahi

Zaahid kuch aur ho na ho maikhaane mein magar
Kya kam ye hai ki shikwa-e-dair-o-haram nahi

Marg-e-Jigar pe kyun teri aankhen hai ashkrez
Ik saniha sahi magar itni ahm nahi……

Advertisements

3 responses to this post.

  1. Posted by MR ki maan ki aankh on March 15, 2013 at 10:20

    Manzil mil hi jaayegi, bhatakte hue hi sahi
    Gumraah to woh hain jo ghar se nikle hi nahin

    Reply

  2. Posted by Dr. Shirish Kumar on September 8, 2013 at 20:38

    Ghazal muqammal kar lein:

    Shikva tau ek chhed hai lekin haqeeqatan
    Tera sitam bhi teri inaayat se kam nahin

    Waiz kuchh aur ho na ho maikhaane mein magar
    Kya kam ye hai ki shikva-e-dair-o-haram nahin

    Reply

  3. Posted by shaker on November 22, 2013 at 17:48

    very good excellent master piece of Urdu ghazal

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: